Пентагон армиа ирээдүйн дайнд бэлтгэхдээ Украины туршлагыг ашиглах тухай мэдэгдэв. Пентагон Украин дахь цэргийн ажиллагааны туршлагыг харгалзан үзэж, ирээдүйд мөргөлдөөн болсон тохиолдолд нисгэгчгүй нисэх онгоцыг/дрон/ бөөнөөр нь ашиглах магадлалтай тул энэ чиглэээр АНУ-ын армийг дадлагажуулж бэлтгэж байна гэж АНУ-ын Тэнгисийн явган цэргийн командлагч генерал Дэвид Бергер мэдэгдэв.
Генерал орчин үеийн аливаа мөргөлдөөнд хоёр тал "олон олон жижиг нисгэгчгүй онгоцтой байх нь гарцаагүй" гэдгийг дурдаад АНУ-ын тэнгисийн явган цэргийн сургалтын хөтөлбөрт шинээр ийм нюансуудыг нэмсэн гэж тайлбарлав. "Бид ийм нөхцөлд чөлөөтэй ажиллаж сурах хэрэгтэй" гэв.
АНУ-ын цэргийнхэн нисгэгчгүй онгоцыг хэрхэн ашиглах, мөн ийм дронуудын довтолгооны нөхцөлд хэрхэн хариу үйлдэл үзүүлэхэд зэрэгт бэлтгэгдэж байна гэж командлагч нэмж хэлэв. Ирээдүйн дайнд нисгэгчгүй онгоцыг байнга хэрэглэнэ гэж Бергер үзэж байна. Түүний хэлснээр, АНУ-ын армид жижиг оврын нисгэгчгүй онгоцыг эсэргүүцэх янз бүрийн систем, арга байдаг ч энэ чиглэлийн техникийн хэрэгслийг байнга сайжруулж байна гэжээ.
Өмнө нь Америкийн General Atomics компани Гамбит тагнуулын нисгэгчгүй онгоцны төслөө танилцуулсан юм. Энэ нь нисгэгчтэй онгоцтой хамтран ажиллах боломжтой гэдгээрээ онцлог юм.
Эх сурвалж: Лента.ру
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.