Хилийн боомтуудаар ачаа тээвэр, нүүрс нэвтрүүлэх болон чөлөөт бүсийн үйл ажиллагаанд учирч байгаа зорилго бүхий Хянан шалгах түр хорооны ажиллах хугацааг сунгах тухай УИХ-ын тогтоолын төслийг УИХ-ын чуулганаар хэлэлцэж байна.
УИХ-ын Хянан шалгах түр хорооны дарга Г.Ганболд тус хорооны үйл ажиллагаан талаар зарим мэдээллийг өгсөн юм.
Тэрбээр “Манайх УИХ-аас байгуулсан гурав дахь түр хороо нь. Нотлох баримт цуглуулах, гэрч дуудаж байцаах, хяналт шалгалтынхан, шинжээч нар ажиллуулах гээд цаг хугацаа маш их орж байна. Тийм учраас хугацааг нь сунгах хүсэлт тавьж байгаа юм. Түр хороо ажилласнаар нүүрсний хулгайн асуудалд олон нийтийн анхаарлыг хандуулсан. Оффтейк гэрээнүүдийн хувьд нууц гэрээ учраас УИХ-ын гишүүд ч танилцах боломжгүй. Харин УИХ-ын түр хороонд хуулийн дагуу танилцах боломж олдож байгаа. УИХ-ын даргын захирамжаар байгуулагдсан Хяналтын ерөнхий сонсгол хийх ажлын хэсэг байгуулагдсан. Энэ хүрээнд оффтейк нууц гэрээнүүдийг ил болгож, 12 дугаар сарын 21-ний өдөр иргэдэд нээлттэй хэлэлцэхээр байгаа. Энэ бол түр хорооны хамгийн том үр дүн. Нууц гэрээнүүд ил болохоор төмөр замыг ямар үнэтэй барьж байгуулсан юм, хөлсөнд нь нүүрсийг ямар үнээр авсан бэ гэх зэрэг бүр зүйл ил болно гэдэгт эргэлзэхгүй байна. Доржханд гишүүн нийгэмд 44 их наяд төгрөгийн асуудлыг ярьсаан. Тэр бол түр хорооны гишүүн мөн. Гэхдээ хуралдаа нэг ч удаа суугаагүй. Түр хороон дээр 44 их наяд ч юм уу нүүрсний мөнгөн дүнтэй холбоотой нэг ч асуудал яригдаагүй. Энд сууж байгаа бүх гишүүн мэднэ. Тэгэхээр өнөөдөр нийгмийг талцуулаад, ард түмнийг төртэй нь толхилцуулдаг, өвлийн хүйтэнд энэ олон хүнийг гадаа жагсаасан энэ мэдээллийнхээ үнэ бодит байдлыг Доржханд гишүүн өөрөө хариуцах ёстой.
Ямар үндэслэлээр ийм хэмжээний дүн гаргаж ирснээ Доржханд гишүүн өөрөө нийгэмд тайлбарлах ёстой. Өнөөдөр түр хороон дээр бодитой яригдаж байгаа дүн бол 2.5 сая тонн нүүрсний хулгайн нотлох баримт цуглуулах тухай хяналт, шалгалтын ажил явагдаж байна. Тийм учраас Доржханд гишүүн өөрөө тайлбараа хийгээд хэрэв буруу мэдээлэл өгсөн бол ард түмнээс, тэр дундаа энэ өвлийн хүйтэнд жагссан иргэдээс, жагсаалын үеэр эрүүл мэндээр хохирсон төрийн албан хаагчдаас уучлал хүсэх ёстой гэж бодож байна” гэв.
Сэтгэгдэл (2)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Энэ муу Өвөрхангайн Ганболд гишүүн чинь аймгийнхаа хамаг уурын зуухыг хамж авсан луйварчин шүү дээ. Бас ах дүү, найз нөхөдтэйгээ нийлдж тендерийг хамдаг гэж байгаа. Тийм байхад Өвөрхайнгайд хэн ажиллаж, амьдрахыг хүсэх билээ. Хог шаарыг бас УИХ-ын хянан шалгах хорооны дарга болгодог. Хүчин Анандбузар, уурын зуух Ганболд, нүүрсчин Мөнхбат зэрэг луйварчдаас бүрдсэн УИХ тарах хэрэгтэй.
Ийм хариуцлгагүй нөхөдүүд л их хуралд бгаад бгаа юм Ингэж худал их хэмжээний дүн гаргаж төр игэдийг өвлийн хүйтэнд талцуулсан хариуцлагаа яаралттай батлах хэрэв худлаа хэлсэн бол гишүүнээс яаралттай тат ийм хог шшаарнууд УИХ яав ч байж болохгүй хэрэв үнэхээр үнэн байвал Доржханд гишүүнийг жинэхэнэ эх оронч гэхээс өөр яалтай