Хоёрдугаар сард болох спортын онцлох үйл явдлууд

2023 оны хоёрдугаар сар спортын ертөнцөд олон тэмцээн, өрсөлдөөнтэй сар байх хуваарь гарчээ. Энэ сард болох спортын томоохон үйл явдлуудыг тоймлон хүргэе. 

Чөлөөт бөх             

02.01-05. Чансаа олгох эхний тэмцээн. Чөлөөт бөхийн дэлхийн чансааны оноо олгох оны эхний тэмцээн Хорватын нийслэл Загреб хотод болно.

 02.23-26. Чансаа олгох хоёр дахь тэмцээн. Чөлөөт бөхийн дэлхийн чансааны оноо олгох оны хоёр дахь тэмцээн Египетийн нийслэл Каир хотод болно.

Сагсан бөмбөг

02.02-10. Сагсан бөмбөгийн Үндэсний Дээд лигийн 15 тоглолт хоёрдугаар сард болно.

 02.24-26. FIBA Asia Cup. Сагсан бөмбөгийн 2025 оны Азийн аваргын урьдчилсан 2-р шатны тоглолт Улаанбаатар хотод болно. Тус шатанд Монгол, Малайз, Тайланд, Хонконг, Сингапур, Гуам улсууд тоглоно.

 02.20. NBA All Star. NBA-ын 2022-2023 оны улирлын "Бүх оддын тоглолт" Солт Лейк хотын "Vivint Arena"-д болно. Бүх оддыг тоглолтын гарааны 10 тоглогчийн нэрс тодорсон.

Е-Sport

01.31-02.12. IEM Katowice 2023. 1 сая ам.долларын шагналын сантай Катовиц Мастерс тэмцээн Польш улсад болно. Тус тэмцээнд Монголын IHC Esports оролцоно.

02.22-03.26. ESL Мэргэжлийн лиг. ESL-ээс CSGO-н мэргэжлийн лигийн 17 дахь улирлын тэмцээнийг Мальт улсад зохионо. Энэ тэмцээнд Монголын IHC Esports баг оролцоно.

02.17-19. BLAST.tv Paris Major 2023: Asian Qualifier. Парис мажорын эрх олгох Азийн аварга буюу "Asia-Pacific RMR" тэмцээнд оролцох эрх олгох Азийн урьдчилсан шатны тэмцээн online хэлбэрээр болно. 8 баг оролцох тус тэмцээний дөрөв нь 02.15-16-ны хооронд болох нээлттэй урьдчилсан шатны тэмцээнээс шалгарна.

02.25-26. Intel Extreme Masters Spring 2023: Asian Qualifier. ESL-ээс зохиодог IEM хаврын их дуулга Бразил улсад болно. Тус тэмцээнд оролцох ганц эрхийн төлөөх Азийн сонгон шалгаруулалт online-аар болох бөгөөд Хятадын Lynn Vision болон Монголын IHC Esports, Eruption, Team Renewal багууд өрсөлдөнө.

 02.22-03.05. The Lima Major 2023. DPC 2023 оны улирлын эхний мажор Перу улсын нийслэл Лима хотод болно. Dota 2-ын мажор тэмцээн анх удаа Өмнөд Америкт болж буй нь энэ юм. Тус тэмцээнд Зүүн Өмнөд Азийн бүсээс 3 баг оролцох баг "DPC SEA 2023 Tour 1: Division I" лигийн хамгийн өндөр оноотой гурван баг оролцоно. Тус лигийн "Geek Slate" багт Монголын NARMAN (Р.Нардмандах) тоглодог.

01.31-02.21. DPC SEA 2023 Tour 1: Division II. DPC лигийн Зүүн Өмнөд Азийн доод лигийн тоглолтууд online хэлбэрээр болно. Тус лигт оролцож буй найман багийн нэг "Myth Avenue Gaming"-т Монгол тамирчин khishka (Б.Хишигбат) тоглодог.

01.16-02.07. Lunar New Year 2023. "GGWP Esports"-аас зохиож буй лигийн тэмцээн online хэлбэрээр болж байна. Тэмцээнд Монголын "Purple Paradox" баг оролцож байна.

Жүдо

02.04-05. Парисын их дуулга. Жүдо бөхийн дэлхийн цуврал тэмцээн Парисын их дуулга Францад хоёр өдөр үргэлжилнэ.

02.16-18. Тел Авивын их дуулга Жүдо бөхийн дэлхийн цуврал тэмцээн Тел Авивын их дуулга Израил улсад гурван өдөр үргэлжилнэ.

 02.1-11. Club World Cup. FIFA-аас тивдээ аваргалсан клубүүдийн хооронд зохиодог Клубүүдийн дэлхийн аварга шалгаруулах тэмцээн Марокко улсад болно.

 Холимог тулаан

02.05. UFC Fight Night. Heavyweight жинд АНУ-ын Деррик Льюис болон Молдавын Сергей Спивац нар Лас Вегас хотын үдшийн оргил тулаанд учраа таарсан.

02.12. UFC 284. UFC Аваргын бүсний төлөөх 284 дэх тулаан Австралид болно. Энэ өдөр Lightweight жингийн аваргын төлөө Оросын Ислам Махачев, Австралийн Александер Волкановскийтой хүч үзнэ.

02.19. UFC Fight Night. Bantamweight жинд Эквадорын Марлон Вера болон АНУ-ын Кори Сандаген нар Лас Вегас хотын үдшийн оргил тулаанд учраа таарсан.