Энэ мэдээ хуучирсан буюу 2023-06-07 нд нийтлэгдсэн байна.

Эичиро Ода мэс засал хийлгэх тул “One Piece”-ийн 1087-р бүлэг түр хойшлов

6/ 7/ 2023 16 цаг 49 минут

Эичиро Ода нүдний хагалгаанд орох тул “One Piece” манганы 1087-р бүлэг хойшилжээ.

Тодруулбал, албан ёсны твиттер хуудаснаа 2023 оны зургаадугаар сарын 6-нд Эичиро Ода нүдний хагалгаанд орох тул манга түр завсарлана гэжээ. Долоо хоног тутмын “Shonen Jump” (29, 30, 31, 32) сэтгүүлийн дөрвөн дугаар гарахгүй бөгөөд манганы 1087-р бүлгийг 2023 оны долоодугаар сарын 18 хүртэл хойшлуулсан аж. Харин 1086-р бүлэг 28 дугаарт төлөвлөсний дагуу 2023 оны зургаадугаар сарын 11-нд гарах юм.

Зохиогч харааны гажгаар удаан хугацаанд шаналсан бөгөөд энэ нь түүнд бүх зүйл бүрхэг мэт санагдахад хүргэдэг байжээ. Тэрээр “Би уучлалт гуйж байна!...

Бүх зүйл надад бүрхэг мэт санагдаж байна. Энэ нь миний ажилд хүндрэл учруулдаг тул өнгөрсөн жилээс эхлэн ерөнхий редактортайгаа ярилцаж байгаа. Тэд намайг хагалгаанд ороорой гэж хэлсэн!

Би хараагаа сайжруулж, буцаж ирэх болно! Жаахан тэвчээрэй!” хэмээн мэдэгджээ.

“One Piece” бол Эичиро Одагийн бичиж, зурсан Японы манга цуврал юм. 1997 оны долоодугаар сараас эхлэн “Shueisha's shonen” манга сэтгүүлийн “Weekly Shonen Jump”-д цувралаар хэвлэгдсэн билээ.

Харин анимэ цувралыг “Toei Animation” бүтээж, 1999 оны аравдугаар сард Фүжи телевизээр цацаж байжээ. Японд нээлтээ хийснээс хойш 1000 гаруй анги цацагдаж, дараа нь дэлхийн янз бүрийн улс оронд түгсэн. Тус цувралыг “4Kids Entertainment”-аас 2004 онд Хойд Америкт англи хэл дээр гаргах тусгай зөвшөөрлийг авч, лицензийг нь цуцалж, дараа нь 2007 онд “Funimation” худалдаж авсан аж.

0

Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.