УИХ-ын чуулган хуралдаж байна. Гишүүд асуулт асууж, холбогдох хүмүүсээс хариулт авч байна.
УИХ-ын гишүүн, ЦХХХ-ны сайд Н.Учрал :Эрчим хүчний зохицуулах хороо гэдэг байгууллага уул уурхай, олборлох боловсруулах аж үйлдвэр, крипто валют, банк санхүүгийн салбартайгаа манай харилцаа холбоо, интернэтийн үйлчилгээ эрхэлж байгаа байгууллагуудыг адилтгаад эрчим хүчний үнийг 4-5 дахин нэмэгдүүлсэн. Харилцаа холбооны салбар бол төрийн нэг ч дэмжлэггүйгээр олон улсад өрсөлдөхүйц хэмжээнд очсон Монголын цорын ганц салбар. Бүх нийтийн үүргийн сангаас харвал хувийн компаниуд ашгийн дараахь 3 хувиараа 48 тэрбум төгрөг бүрдүүлээд 150 төсөл хөтөлбөр хэрэгжүүлээд 1226 багийг ямар нэгэн байдлаар интернэтэд холбосон. Одоо төсвийн тодотголоор төрийн албан хаагчдын цалин хөлс нэмэгдэнэ. Хувийн хэвшил ч цалингаа нэмэх асуудлаа ярина. Гэтэл эрчим хүчний үнэ нэмчихээр интернэтийн үйлчилгээ эрхлэгчид, үүрэн холбооныхон үйлчилгээний хөлсний асуудлаа нэмнэ гэсэн асуудлыг тавьж байна. Тэгэхээр уул уурхайн салбарын эрчим хүчний үнийг нэмэхдээ харилцаа холбоог хамруулснаа ахиж харна уу.
Эрчим хүчний сайд Б.Чойжилсүрэн: Учрал сайд аа, танд дэгс мэдээлэл өгсөн шиг байна. Цахилгаан эрчим хүчний үнийг өнгөрсөн жил нэмсэн. Сардаа 5000 кВт хэрэглээтэй аж ахуйн нэгжүүдийг 14 хувь, 5000-аас дээш бол 28 хувь нэмсэн. Уул уурхайн цөөн хэдэн компани дээр крипто валют олборлож байгаа аж ахуйн нэгж хувь хүнийг 38 хувиар нэмсэн. Тэгэхээр 4-5 дахин гэдэг хэтрүүлэгтэй тоо байна. Та гомдол яриад байгаа хүмүүсийн асуудлыг манай яамныхан зохицуулах хорооныхон очоод сонсъё.
УИХ-ын гишүүн, ЦХХХ-ны сайд Н.Учрал: 2022 оны Эрчим хүчний зохицуулах хорооны 504,508 дугаар тогтоолоор гарсан шийдвэр юм байна. Оргил ачааллын үеийн цахилгааны зардал нь 9000-аас 32500 болтлоо өссөн. 3.5-3.8 дахин яг өссөн. Уул уурхайтай адилтгаад өсгөсөн, бодитой тоо. Манай зүгээс танай яам руу болон Эрчим хүчний зохицуулах хороо руу хүсэлт өгсөн. Боломжгүй гэсэн хариу өгсөн. Үүнийг чинь дагаад интернэтийн үнэ өснө шүү. Тэгэхээр бид юу цахимжилт манатай болно. Уул уурхайтай адилхан хариуцлагаа биелүүлээд явж байгаа салбар шүү.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.