УКРАИН ЯЛАГДВАЛ ЮУ БОЛОХ ВЭ?

4/ 15/ 2024    7 цаг 56 минут

Оросын арми Европт хамгийн шилдэг нь гэвэл жилийн өмнөхөн элэг хөшөөдөг, тэд ядахнаа Украинаас дээрдэх цэргийн хүчгүй шүү дээ гэж шоололдож байв. Оросын хүн хүчний нөөц хангалт маш түргэн, тэр бүү хэл дайснаасаа хавьгүй илүү хурдан хангалт хийх чадвартай нь харагдсан тул өнөөдөр шоолохтой манатай болж байна. Путиныг ялсан Оросын арми нь “21-р зууны байлдааны аугаа ур чадвартан, эзлэн авах цор ганц хүч” хэмээн өргөмжлөнө. Ингээд хэрэв тэрээр Украины төрийг удирдахаар болчихвол түрэмгийлэл үйлдэх чадвартай цэргийн машин нь хоёр дахин нэмэгдэж хүчирхэг болно.


 

The ECONOMIST

УКРАИН ЯЛАГДВАЛ ЮУ БОЛОХ ВЭ?

"Украин ялагдвал яах вэ?" Улам илүү их мөнгө, зэвсэг илгээ гэж Өрнөдийн холбоотнуудаа загнах дуртай хүмүүс нэгэн цагт яг ингэж асуун тулган шаарддаг байлаа. Энэ асуулт нь таамаглал маягийн шаардлага байснаа, гэнэтийн эгзэгтэй өөрчлөлтийн эхэн үе шат шиг болж байна. Дайн хэдэн сар үргэлжилсэний эцэст Оросыг хил рүүгээ түлхэж, Владимир Путиныг доош нь хийх учиртай байсан Украины сөрөг довтолгооны өнгөрсөн жилийн их найдвар унтарлаа. Өнөөгийн мухардмал байдал түрэмгийлэгчийн талд эерэгээр тусах вий, эсвэл Дональд Трамп Америкт засгийн эрхэнд эргэн ирж Орост ялалтын мөнгөн цом гардуулах вий гэсэн айдас илүүтэй зонхилох болов. Хэдийгээр Украин ялагдах нь холын төсөөлөл авч түүнээс дутуугүй айдас цаана нь байна. Европ дайнтай шууд тулахаас ч аймаар зүйл бол Путин эндээс геополитикийн давуу ашиг олбол бүр дор юм болно. 

Украины ялагдал нь Өрнөлийнхний хувьд басамжлал, Суэцийн сувгийн шившигийн* давталт болох болно. Хоёр жилийн турш холбоотондоо ёс суртахууны болон цэрэг, санхүүгийн дэмжлэг үзүүлснээр Америк, Европ магадгүй санамсаргүй байдлаар өөрсдийн итгэл үнэмшлийг эрсдэлд оруулж байна. Тэд заримдаа ийм дэмжлэг үзүүлэхдээ эргэлздэг байсан нь нөхцөл байдлыг сайжруулахын оронд улам дордуулж болзошгүй юм. Либерал улс төрийг шүүмжлэгчдийн дунд “ардчилсан тогтолцоо чинь явж явж өөрийн эрх ашгийг ч хамгаалах чадваргүй” гэдэг баталгааг улам бэхжүүлэв. Орос, бас Хятад, Энэтхэгболон дэлхийн өмнөд хэсэгт Украиныг дэмжигчдийг НҮБ-ын тогтоолоор түлхэн унагаж, ЕХ болон НАТО-гийн дээд хэмжээний уулзалтаар ч маргаан дэгдээх болно. Газрын зураг зохиогчид Украйны эзлэгдсэн нутгийг Оросынх гэж будах нь үргэлж хүчтэй талынх нь зөв байдаг гэсэн ойлголтыг улам түгээнэ. НАТО-гийн тэргүүн асан Жорж Робэртсон “Хэрэв Украйн ялагдах юм бол манай дайснууд дэлхийн дэг журмыг тогтооно” гэж анхааруулжээ. Ялангуяа тайваньчуудын хувьд харамсалтай нь тэр үнэн хэлсэн байх.

Олон улсын либерал дэг журам тогтооход голлох үүрэгтэй Европын Холбоо энэхүү басамжлалыг бүр ч илүү мэдрэнэ. Украины хөршүүд Америк шиг түргэн дэмжлэг үзүүлээгүй л дээ. Гэвч европчууд удаан боловч найдвартай арга замаар өөрөөсөө шалтгаалж болох бүхнийг хийсэн. Зэвсэг илгээж (эхний ээлжинд зэвсгийн төлбөрийг ЕХ даасан), Украины санхүүг дэмжиж, олон сая дүрвэгсдийг нь хүлээн авч, ОХУ-д олон арван удаагийн хориг тавьж, хий дамжуулах хоолойноос нь татгалзаж, эвслийн улс төрчид эхэндээ боломжгүй гэж үзэж байсан хязгаараа давсан. Тэгсэн ч гэсэн энэ бүх арга хэмжээ хангалтгүй бол ерөөс явуулж буй ажиллагаа тавьсан зорилготойгоо нийцэж байгаа эсэх талаар олон хүн эргэлзэх боллоо. Унгарын Виктор Орбан, Францын Марин Лө Пэн зэрэг популистууд, Путиныг шүтэн бишрэгчид өөрсдийнхөө санааг хамгийн шилдэг нь гэж хашгичина. Одоогоор НАТО-ын зүүн бүсийнхэн ба тус эвслийн бусад улс орнуудын хооронд ялгаа бий. Хэрэв Украин ялагдвал бие биенээ буруутгаж, хорсох болно. "Хулчгарууд" Европыг сааруулж байна гэж Францын шинэхэн харцага Эммануэль Макрон л ширүүн анхааруулснаар өнгө аясыг тэнцвэржүүллээ.

Украины ялагдлын геополитикийн үр дагавар нь ямар ч хамаагүй энхийн хэлэлцээрийн хэлбэрээс хамаарна. Энэ нь эргээд дайны эрчим, эсвэл Трамп дахин сонгогдвол түүний сэтгэлгээнээс шалтгаална. Хэрэв зэр зэвсгээр дутагдсан Украины арми сүйрч, Орос тэдний зүүн нутаг дэвсгэрийг төдийгүй улс орныг бүхэлд нь эзлэн, магадгүй Беларусь маягийн утсан хүүхэлдэйн дэглэм дор хяналтаа тогтоовол? Чингэвэл түрэмгийлэгчид илүү олон мянган километрээр ЕХ-той хиллэх болно. За яахав, Украин хагас нутгаа Орост алдаж хязгаарлагдмалялагдал хүлээлээ гэж бодъё, тэгсэн ч гэсэн Украины цаашдын үргэлжлүүлэх үйл ажиллагаа, "гомдол" нь мэдрэлийн ядаргаа хэвээр байх болно. Путин ажлаа дуусгах хүртэл хэр удах вэ? Ийм нөхцөлд олон сая украинчууд боломж ашиглан дүрвэж. магадгүй. ЕХ-ны ирээдүйн төрх өөрчлөгдөнө. Украйны тэлэх амлалт нь бүрэн ялалтыг илтгэнэ. Дайны үр дүнд өөртөө нэгтгэх тухай саналууд нь сэргэж байсан Баруун Балканы орнууд ч мөн л эргээд эргэлзээтэй төлөвт байна.

Гэм буруу, ичгүүр шившгээс гадна Европ айдас түгшүүр дор амьдрах болно. Халдлага түрэмгийлэл улам наашлах болов уу? НАТО холбоотон орнуудаа хамгаалах арга хэмжээ авах болов уу? Дайн дэгдээх оролдлого наад зах нь боломжтой юм шиг харагдана. Украин руу довтлоход ашигласан шалтгаа Путин давтан, Балтийн орнууд дахь нацизм гэж ярих болов, үнэхээр ч энэ гурвалын хүн амд орос хэлтэн олон бий. Оросын арми Европт хамгийн шилдэг нь гэвэл жилийн өмнөхөн элэг хөшөөдөг, тэд ядахнаа Украинаас дээрдэх цэргийн хүчгүй шүү дээ гэж шоололдож байв. Оросын хүн хүчний нөөц хангалт маш түргэн, тэр бүү хэл дайснаасаа хавьгүй илүү хурдан хангалт хийх чадвартай нь харагдсан тул өнөөдөр шоолохтой манатай болж байна. ноён Путиныг ялсан Оросын арми нь “21-р зууны байлдааны аугаа ур чадвартан, эзлэн авах цор ганц хүч” хэмээн өргөмжлөнө. Ингээд хэрэв тэрээр Украины төрийг удирдахаар болчихвол түрэмгийлэл үйлдэх чадвартай цэргийн машин нь хоёр дахин хүчирхэг болно. Түүнийг Америкийн сул дэмжлэгтэй, зэвсгийн нөөц хомсдолтой ичимхий европчууд эсэргүүцсэн болох л байх.. Польш, Герман улсууд өөрсдийгөө хамгаалах цөмийн хүчинтэй болох байж гэдгээ ойлгох болов уу? 

Украин ялсан ч Европ өөрчлөгдөх ёстой. "Энх тайвны төсөл"-ийн гол цөм нь дайн хийх боломжгүй юм гэхэд ядаж байгаа бодит ертөнцдөө дасан зохицох ёстой. НАТО энэ сард 75 жилийн ойгоо тэмдэглэж байгаа ч Америк нутаг дэвсгэрийнх нь бүрэн бүтэн байдлын баталгаа байсаар байна гэсэн европчуудын эвслийн ирээдүй тодорхойгүй байна. Хүйтэн дайн дуусанаар “энх тайвны ноогдол ашигаа” хүртэцгээсэн хэдэн арван жилийн дараа батлан хамгаалахын төсвөө нэмэгдүүлэх ёстойгоо дөнгөж ойлгоод хэрэгжүүлж эхлэх шиг боллоо. 

Гэвч, хэрэв Орос улс хагас ялагчаар тодрох юм бол өөрчлөлтүүд Европт илүү таагүй, урьдчилан таамаглах аргагүй байдлаар тулгарах болно. Хэрэв дахин дайн эхлүүлэхгүй гэж Путин амласан бол Украины зарим хэсгийг хяналтандаа авснаар түрэмгийллийнхээ төлөө урамшуулан шагнагдсан тэрэнтэй гэрээ байгуулахыг эрэлхийлэх нь хуурамч аюулгүй байдал л бий болгоно. “Украин ялагдвал яах вэ?” гэсэн асуултад Европын хариулт энгийн байх учиртай: "Ингэх ёсгүй!".

The ECONOMIST

1


Сэтгэгдэл (1)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.



185.220.101.109Зочин   • 4 сарын 15. 12 цаг 19 минут

нацист фашист 3-р Рейхийн түүхийг давтан нацист фашист Бандерууд далд орж, оронд нь эвсэлд үл нэгдэх Киев гэдэг хот улсанцар үлдэнээ Баабар гуай!



ШИНЭ МЭДЭЭ

Ашиглалтын хамгийн олон лиценз “МАК”, “Гацуурт” хоёрт, хайгуулынх "Цайна инвэстмент монголиа"-д байна5 сар 30. 7:26Үерийн эрсдэлтэй бүсэд голын голдирол өөрчлөн барьсан барилга, байгууламжийг буулган, даланг хүчитгэж байна5 сар 30. 7:24Б.Энх-Амгалан: Сонсголоор хэн нэгнийг гэмт хэрэгтэн буруутан болгож шүүхгүй5 сар 30. 7:19Улаанбаатарт бага зэргийн бороотой, +15...+17 градус дулаан байна5 сар 30. 7:08Зурхай:Үс шинээр үргээлгэх буюу засуулбал эд, эдлэл, идээ, ундаа олно5 сар 30. 7:05УИХ-ын гишүүн асан Ц.Гарамжавыг АТГ-аас баривчилсан байна5 сар 29. 17:38Цэцэрлэгийн хүүхдийн өдрийн хоолны зардлыг 500 төгрөгөөр нэмэгдүүлнэ5 сар 29. 12:57Н.Өнөрцэцэгт холбогдох хэргийн шүүх хурлыг хаалттай хийнэ5 сар 29. 10:44Дүнжингараваас ХУД-ийн И-Март хүртэлх уулзварыг 6 хоног хааж, шинэчилнэ5 сар 29. 10:35Өнөөдөр: Олон улсын энхийг сахиулагчдын өдөр5 сар 29. 10:30ЭИ: Цаазын ялын тоо 2023 онд 30 хувиар нэмэгдсэн5 сар 29. 10:26ЗГ: Цэцэрлэгийн хүүхдийн хоолны зардлын хэмжээг шинэчлэн тогтоох тухай хэлэлцэж байна5 сар 29. 9:47Гэрээсээ дайжсан хүүхдүүдийн 60 гаруй хувь нь охид байна5 сар 29. 7:543х3-ын “Эмэгтэйчүүдийн Дэлхийн Гранпри" зургадугаар сард Улаанбаатарт болно5 сар 29. 7:49Улаанбаатарт бороотой, +14...+16 градус дулаан байна5 сар 29. 7:20Зурхай: Ургаа мод таслах, газрын ам нээх, гөлөг тэжээхэд муу өдөр5 сар 29. 7:17АН-аас Дорнодод дэвшихээр болсон хоёр найз хэн бэ5 сар 28. 12:35Түүхэн товчоон: КОМИНТЕРН (Коммунист Интернационал)5 сар 28. 8:20Б.Анхзаяа: Улс төрийн шинэ соёл хандлагыг түгээж, олон нийтэд танилцуулж чадсан улс төрийн хүчинд их боломж байна5 сар 28. 8:14Л.Гантөмөр: АН сонгуульд бэлэн. Бид Монголын ардчиллыг хамгаалж УИХ-ын сонгуульд оролцоно5 сар 28. 8:13Ли Син Жэ: БНСУ-ын Е9 виз илүү удаан хугацаанд албан ёсоор ажиллах боломж олгодог5 сар 28. 8:12Амралтын өдрүүдэд “Санал авах загвар гэр” ажиллана5 сар 28. 8:11Лу.Гантөмөр: Намын шийдвэр, намын даргын явуулсан нэрс нэг л байгаа5 сар 27. 14:29Үер усны аюулаа урьдчилан сэргийлэх, бэлтгэл байдлыг хангахыг орон нутгийн удирдлагуудад даалгалаа5 сар 27. 13:56Бурхан, шашны 82 ширхэг эд зүйлс хулгайлсан этгээд 7 жилийн дараа зарж борлуулах гэж байгаад баригджээ5 сар 27. 11:12Хүнсний 4 дүгээр дэлгүүрийн уулзвараас ШУТИС-ийн уулзвар хүртэлх авто замыг шинэчилнэ5 сар 27. 10:38Нэг дүгээрт ХҮҮХЭД ❤️5 сар 27. 8:09Зэсийн үнэ өсөж, гадаад худалдааны эргэлт 8.4 тэрбумд хүрэв5 сар 27. 7:49Түүхэн товчоон: Умард Хүннү5 сар 27. 7:46ЭХНИЙ ТОВЧ ЗӨРВӨЛ ҮЛДСЭН НЬ БҮГД БУРУУ5 сар 27. 7:43“Их-7”: Европт "гацсан" ОХУ-ын хөрөнгийн асуудлыг шийдвэрлэнэ5 сар 27. 7:41Монголын улстөрчид шунал шүглэсэн “чөтгөр, шуламнууд” болчихоод зовоож байна5 сар 27. 7:40Нам, эвслүүд нэр дэвшигчдийнхээ материалыг СЕХ-нд хүргүүллээ5 сар 27. 7:07Улаанбаатарт +24...+26 градус дулаан байна5 сар 27. 7:04Зурхай:Үс шинээр үргээлгэх буюу засуулбал “Сайн нөхөртэй учирах” хэмээх сайн5 сар 27. 7:00Нэг дүгээрт ХҮҮХЭД ❤️5 сар 25. 11:04Эрдэмтэд дэлхийтэй ойролцоо хэмжээтэй, онолын хувьд амьдрал байх боломжтой гараг нээжээ5 сар 25. 10:55Ж.Цэвээнжав: Газрын тосны хуулийг урж хаядаггүй юм аа гэхэд хурдхан өөрчлөх ёстой5 сар 25. 10:53Ихэнх нутгаар бороо орж салхи шуургатай байх тул болзошгүй эрсдэлээс урьдчилан сэргийлэхийг анхааруулав5 сар 24. 14:05Гамшгийн үед үүрэг гүйцэтгэх техник хэрэгслийн бэлэн байдал 68,4 хувьтай байна5 сар 24. 12:36
 Facebook Twitter Youtube