ОХУ-аас БНХАУ-д байгалийн хий нийлүүлэх хийн хоолойг Монгол Улсын нутаг дэвсгэрээр дамжин өнгөрүүлэх төслийн ТЭЗҮ хийгдээд жил болж байна. Энэхүү төслийн үйл ажиллагаа ямар шатандаа яваа талаар ГХЯ-ны Олон улсын гэрээ, эрхзүйн газрын захирал С.Сүхболд дараах хариултыг өглөө. Тэрбээр “Анх хийн хоолойн ТЭЗҮ боловсруулах асуудал бол Монгол Орос Хятадын эдийн засгийн коридорыг байгуулах хөтөлбөрт орсон. Энэ дагуу ОХУ-ын “Газпром” компани Монгол Улсад охин компаниа анх байгуулсан. Манай талаас “Эрдэнэ Монгол”-ын харьяа “Эрдэнэс газ” хамтраад ТЭЗҮ-г боловсруулах ажлыг хийсэн. Өнгөрсөн оны нэгдүгээр сард ТЭЗҮ-г Монголын талд хүлээлгэж өгсөн. Харин төслийг цаашид хэрхэн хэрэгжүүлэх нь байгалийн хий нийлүүлэх Орос, худалдан авах БНХАУ хооронд арилжааны гэрээ хэрхэн хийгдэхээс хамаарна” гэв.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.