Хөгжлийн банкнаас зээл авсан 20 гаруй аж ахуйн нэгж авсан зээлээ зориулалтын бусаар ашиглаж чанаргүй зээлдэгч байсан нь илчлэгдэж байна.Тодруулбал, Капитал банк, Бэрэн групп, Болор шүр, Инжир, Комплант, МБҮ трэйд, Монгема, Мондрай, Газ импорт, Түгээмэл түмэн хишигтэн зэрэг компаниуд авсан зээлээ зориулалтын бусаар ашигласан гэдгийг Хөгжлийн банкийг шалгах түр хорооны хуралдаан 4 дэхь өдрөө хэлэлцэж байна. Дээрх ААН-үүд ирээдүйд бий болох хөрөнгийг барьцаалж зээл авсан байгаа юм. Гэвч ямар нэгэн хөрөнгө оруулалт бүтээн байгуулалт хийгдээгүй, өр зээл дараад өнгөрсөн байх жишээтэй. Өнөөдөр гэхэд Хөдөө аж ахуй, хөнгөн үйлдвэрийн ноос, ноолуур, сүү, хүлэмж болон оёдлын салбарын төсөлд Голомт банкинд олгосон зээлийн талаар хэлэлцэж байна. УИХ-ын гишүүн асан Б.Жаргалсайханы компани "Буян" ХХК Хөгжлийн банкнаас авсан зээлээ 10 жилийн хугацаанд төлөөгүй байгаа аж. Сонсголын үед багагүй маргаан болж УИХ-ын гишүүн Ж.Сүхбаатар түүнийг өрөөнөөс гарахыг шаардсан юм. Тэрбээр Монголд зээл авч бизнес хийгээд ашиг олохгүй, харин ч дампуурна. Авсан зээлээ төлөхгүй хэмээн даналзаж хэл ам хэрүүл тэмцэл хийжээ.
Мөн Хөгжлийн банкнаас улстөрчдөд ойрхон, бизнес эрхлэгч томчууд их хэмжээний зээл аваад эргэн төлөөгүй өөр зүйл болгоод үрэн таран хийсэн байх жишээтэй. Жишээлбэл, Таванбогд группийн босс Ц.Баатарсайхан, Номин группийн босс Ш.Баярсайхан, MCS группийн Ж.Оджаргал нарын томчууд Хөгжлийн банкнаас зээл авсан нэрээр хулгай хийж. Энэ улсад өөрийнхөө мөнчгөрөөрөө бизнес хийдэг хүн байхгүй юм байна. Том том бизнесмэнүүд нь бүгд өлөн хулгайчууд. Бизнес эрхлэх хүсэл сонирхолтой иргэдийн боломжийг хулгайлсан өлөн дээрэмчид. Тэд мөнгө аваад юунд зарцуулсан нь тодорхой. Бага хүүтэй зээл аваад банк бус санхүүгийн байгууллагаар эргэлдүүлж мөнгө угааж, ард иргэдийг мөлждөг. Тухайлбал, иргэдийн хэрэглээний зээл 21 хувь хүүтэй болсон. Иргэд цалин, хэрэглээний жижигхэн зээлийг дунджаар 20 хувиар авч амьжиргаагаа залгуулж байна. Гэтэл улс төр банкинд ойр нөхөд жилийн 3 хувь (хүүгүй шахам) зээл аваад олигтой үйлдвэр ажлын байр ч бий болгоогүй мөнгө угааж, үнэ тарифаа нуга өсгөж зээлээ ч төлөхгүй эрхэлж байна. Тэдний зээлийн хүүгийн зөрүүг бид татварын мөнгөөрөө төлж байгаа нь харамсалтай.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.