Нийслэлийн стандарт, хяналтын газраас барилга, байгууламжийг хүлээн авах хүсэлтийг “E-mongolia” -гаар цахимаар хүлээн авч, комиссын хуваарьт оруулдаг байна. Энэ нь аж ахуйн нэгжийг төрийн байгууллагын зүгээс чирэгдүүлдэг гэх байдлыг бууруулжээ.
Барилга байгууламжийг ашиглалтад хүлээн авах комиссыг 18 хүний бүрэлдэхүүнтэй томилдог бөгөөд холбогдох төрийн мэргэжлийн байгууллагуудаас гадна төрийн бус байгууллага, аж ахуйн нэгж байгууллага, иргэний төлөөлөл ордог. Комиссоос барилга байгууламжийг 100 хувь дууссан байх шаардлага тавьдаг бөгөөд тухайн барилга дээр очиж барилгын материалаас эхлээд бүхий л талаас нь хяналт тавьж ажилладаг учраас цаг хугацаа багагүй шаарддаг гэдгийг нийслэлийн Стандарт хяналтын газрын дарга С.Төмөрдулам хэлж байлаа.
2020 оны наймдугаар сараас хойш тус комисс нийт 775 барилгыг хүлээж авч, ашиглалтад оруулсан байна.
Нийт ирсэн хүсэлтийн дунджаар 30 орчим хувь нь буцаагддаг бөгөөд үндсэн шалтгаан нь комисс ажиллахаас өмнө барилгаа ашигласан, барилгын ажлын гүйцэтгэл дутуу, бичиг баримтын иж бүрдэл хангаагүй зэрэг байдаг.
Хэдийгээр барилгын материалд хяналт тавих итгэмжлэгдсэн 5 лаборатори ажиллаж, чанарын баталгааг шалгадаг ч эрүүл ахуйн үзүүлэлтийг хангасан эсэхэд хяналт тавих лаборатори байхгүйгээс дотор заслын материалууд эрүүл ахуйн хяналтаар ордоггүй байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.