ГССҮТ-ийн гадаа 3 настай хүүгийн аав мэдээлэл хийлээ. Хойд эцэгтээ зодуулж биедээ хүнд гэмтэл авсан 3 настай хүү өнөөдрийн байдлаар 14 дэхь хоногтоо ухаан ороогүй, бие нь сайжраагүй байна. Хүүгээ гадагшаа эмчилгээнд авч явах шаардлагатай болсон талаар төрсөн аав нь мэдээлэл хийж, олон нийтэд хандлаа.
Хүүгийн аав М.Цогтбаатар "Янз бүрийн худлаа мэдээлэл гараад байна. Тийм зүйл байхгүй, хүү сайжраагүй, бие нь хэвэндээ ухаангүй байгаа. Ээжид нь юу хэлэх вэ дээ, харамсалтай байна. Өмгөөлж хамгаалах ямар ч шалтгаан байхгүй. Миний хүү суурин хатгаатай байсан. Хатгаа нь эдгээгээгүй байгаа. Эртний хатгаа байсан байгаа юм. Тэгэхээр хүүдээ ямар анхаарал тавьдаггүй байжээ.
Сүүлд ирэхэд хүүгээ харахад зүүн шанаа хөхөрсөн, гар нь хугаралтай байсан. Ээж нь найз нөхөдтэйгээ гадуур гарч ууж иддэг.
Хүүгийнхээ ирээдүйг бодож хөдлөе. Зуун хувь эрүүл болохгүй ч 70-80 хувийн эрүүл болгож авмаар байна. Хамтран амьдрагч залууг нь огт харж байгаагүй. Өмнө нь нэг хүнтэй суух гэж байгаа ярьж байсан талаар хэлж байсан. Тэр хүний хэнтэй суух надад хамаагүй л дээ. Том хүү над дээр байгаа. Манай ээж ах нар харж хандаж байгаа. Хүүхдийн 108 утаснаас өдөрт нэг удаа холбогдож асуудаг. Том хүүтэйгээ энэ асуудлын талаар нэг их ярихгүй байгаа. Хүүхдийн сэтгэл санаа дордож мэднэ.
Хөршүүд эрт мэдэгдсэн бол арай өөр байх байсан байх. Гэхдээ тэдний буруу гэж юу байх билээ. Хамгийн гол нь бие нь хүндэрсэн байхад гэртээ нуугаад эм тариа өгөөд байлгаад байсанд гомдолтой байна.
Одоохондоо хандивын данс нээгээгүй байна. Анх удаа ийм муухай юм тохиолдлоо. Хүүгээ эмчлүүлэхэд багадаа 150 сая төгрөг хэрэгтэй. Тархины эмчилгээ хийлгэх шаардлагатай. Тархины үүдэл эсийн тариа гэхэд өдөрт 2-3 удаа хийгдэнэ. Эмчилгээний зардал дээр нь тусалж дэмжиж өгөөчээ гэж ард түмнээсээ гуйж байна. Турк улс нааштай гэсэн хариу өгсөн. Тусламж үйлчилгээ үзүүлж чадна гэсэн. Гэмтлийн эмч нар бүхий чадлаар дэмжиж байгаад баярлалаа. Хүүгээ хөл дээр нь босгож авахын төлөө хичээж байна. Сайхан сэтгэлд Монголын ард түмэн туслаачээ" гэлээ.
Ингээд хүүгийн аавын ХААН банкны дансанд сайхан сэтгэлтэй ард түмэн та бага ч болов хандив тусламж үзүүлэхийг хүсч байна. ХААН банкны данс 5434121006, аав М.Цогтбаатарын дансанд хийгээрэй. Холбоо барих утас 94524005
Сэтгэгдэл (2)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Хэнтэй суух нь хамаагүй байж болно хуучин эхнэр чинь харин хүү чинь хэнтэй цуг амьдарч өсөх хамаагүй юу хүүхэдтэй анхаарал тавьдаг бсан гэдэгт итгэхгүй л бна хүүхэд өрөвдмөөр юм эцэг эхээ сонгож төрөх биш дээ
Хуучин хатгаатай, гар нь хугаралтай байхыг мэдсээр байж энэ аав тоохгүй зүгээр яваад бсан бнашдэ. Ээж нь зодсон юм бишүү? Архины хамааралтай байсан бна. Хэнд нь ч итгэх арга алга.