Боловсролын зээлийн сангаас зээл аваад гадаадад суралцсан томчуудын хүүхдүүд зээлээ төлөөгүй тэглүүлсэн, зарим нь суралцаагүй байж хувийн дансаараа ам.доллар авсан гэх асуудал нийгэмд нэлээд дуулиан шуугиан тариад байгаа билээ. Боловсролын сайдынх нь хамаарал бүхий этгээдүүд ч зээл авчихаад эргүүлэн төлөөгүй байгаа асуудал шүүмжлэл дагуулсан. Тэгвэл өчигдөр БШУ-ны сайд Л.Энх-Амгалан мэдээлэл хийж, БЗС-аас эхнэр нь зээл авсан байсан. Зээлээ эргүүлэн төлсөн. Төлөх ёстой гэсэн байр суурийг илэрхийлсэн.
БЗС-аас гадаадад суралцах нэрийдлээр зээл авсан хэнбугайг ч зээлээ эргүүлэн төлөхийг олон нийт шахаж шаардсаар байгаа. Яагаад гэвэл татвар төлөгчдийн мөнгөөр суралцсан хэрнээ зээлээ төлөөгүй байгаа нь шударга бус үйлдэл болчихоод байгаа юм. Тэгвэл зээлээ төлөхийг шахаж шаардсан хэвлэл мэдээллийн хэрэгслүүд болон иргэдийн шахалтаар 7 хоногийн хугацаанд 1,1 тэрбум төгрөгийн эргэн төлөлт хийгдсэн байгаа талаар өчигдөр салбарын сайд нь мэдээлэв. Цаашид эдгээр мөнгийг төлүүлэхийг шахаж шаардсаар байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.