Ням гаригт Титаник хөлөг онгоцны үлдэгдлийг очиж үзэхээр далайн усанд шумбасан Титан нэртэй жижиг шумбагч хөлөг онгоцыг АНУ-ын эргийн харуулын албаныхан эрэн хайж буй. Тэд тус өдрийн өглөө 1 цаг 40 минутын хугацаатай шумбалт хийхээр далайн гүнд орсон боловч түүнээс хойш олон цаг өнгөрч АНУ-ын эргийн харуулын албаныхан болон аврагчид тэднийг шуурхай эрэн хайж эхэлсэн юм.
АНУ-ын эргийн хамгаалалтын алба лхагва гаригийн шөнө эрлийн бүсэд усан доор илүү олон чимээ шуугиан илрүүлж, "найдвар бий” гэж мэдэгдэв. Гэвч уг шумбагч онгоцонд 96 цаг орчим яаралтай хүчилтөрөгчтэй байсан нь пүрэв гарагийн өглөө хүртэл ажиллахад хангалттай байжээ.
Тодруулбал, АНУ, Канад, Францын аврах багийнхнаас бүрдсэн хайгуулчид олон зуун жилийн түүхтэй Титаник хөлөг онгоцны сүйрлийн ойролцоох далайд хайлт хийж, таван хүнтэй жуулчны шумбагч онгоц сураггүй болсноос хойш тав дахь өдөр буюу агаарын хангамж дуусахад хэдхэн цаг үлдээд буйг анхааруулжээ. Далайн гүнд эрэн хайх ажиллагаанд ROV буюу алсаас удирддаг жижиг шумбагч төхөөрөмжийг ч ашиглаж байгаа ажээ.
Титаник хөлөг онгоцны живсэн далайн ёроолын газар нь Канадын Ньюфаундланд мужийн эргээс 370 гаруй далайн милийн (nautical mile) буюу хуурай газрын хэмжээсээр 1,900 гаруй км-ын зайд (3.8 орчим км гүнд) байгаа гэж тооцоолж буй аж. Уг шумбагч хөлөг онгоцонд Их Британи, Франц, Пакистан улсын гаралтай 5 тэрбумтан буюу далай судлаач, эрдэмтэд байгаа ажээ. Тэдний нийт хөрөнгө $10.0 тэрбумаар үнэлэгдэж байна. Шумбагч хөлгийн доторх хүчилтөрөгч 96 цагийн туршид хүрэлцэх бөгөөд хөлөгт ямар нэгэн гэмтэл гарсан бол аврагчид 2-3 хоногийн дотор тэднийг олж аврах боломжтой гэнэ.
Онгоцонд Британийн адал явдалт зохиолч тэрбумтан Хамиш Хардинг, Пакистаны бизнесмен Шахзада Давуд, түүний хүү Сулейман нар болон хөлөг онгоцны жолооч Францын Тэнгисийн цэргийн хүчний ахмад дайчин П.Наргеолет, усан онгоцны оператор “OceanGate Expeditions” компанийн үүсгэн байгуулагч Стоктон Раш нар явж буй юм.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.