Энэ мэдээ хуучирсан буюу 2023-07-17 нд нийтлэгдсэн байна.

Володя Путин хүүгийн жинхэнэ намтар

7/ 17/ 2023    13 цаг 22 минут

Путин бол бутач хүү бөгөөд Ленинград дахь хамаатных нь 10 настайд нь өргөж авсан.

Путины жинхэнэ ээж Гүржийн нэгэн тосгонд амьдардаг байжээ.

Польшийн зохиолч, сэтгүүлч Кристина Курчаб-Рэдлихийн gordonua.com сайтын ерөнхий редактор Алеся Бацманд өгсөн ярилцлагадаа Владимир Путины жинхэнэ намтар, жинхэнэ эцэг эх нь яагаад түүнийг орхисон тухай, гүрж хойд эцэг нь Путинд хэрцгий ханддаг байсан тухай, анхны эхнэр Людмилатай харилцах харилцааны тухай, сэтгүүлч Артем Боровикийн үхлийн талаар болон ОХУ-ын Ерөнхийлөгчтэй холбоотой олон аллагын талаар ярилцсан байна.

Сайн байна уу, Кристина.

Сайн, сайн байна уу

Таныг угтан авч байгаадаа тун баяртай байна. Өнөөдөр бидэнтэй хамт Орост 15 жил амьдарсан нэрт сэтгүүлч, сурвалжлагч, зохиолч Кристина Курчаб-Рэдлих байна. Та Путины Оросын нууцыг задлан шинжилж, нарийвчлан судалж чадсан цөөхөн хүмүүсийн нэг... Хамгийн гол нь тэдний хэзээ ч олон нийтэд ил ярихыг хүсдэггүй нууцуудыг та задалсан. "Вова, Володя, Владимир, Путины Оросын нууцууд” гэсэн ном хэдэн жилийн өмнө та бичсэн. Одоо бидний харж байгаагаар таны тэр бүтээл жинхэнэ үнэнийг өгүүлжээ. Уншаад үзэхэд л бүх юм яг таг таарч байна. Эмнэлгийн дүгнэлтийг уншаад онош нь зөв гэдгийг ойлгосон мэт. Түүгээр ч зогсохгүй 2005 онд та сэтгүүлчийн бүтээлээрээ Нобелийн шагналд нэр дэвшсэн. Энэ номын тухай болон танд хамгийн сонирхолтой санагдсан зүйлийн талаар манай үзэгчдэд ярьж өгснөөр ярилцлагаа эхэлмээр байна. Та шууд утгаараа шуугиан тарьсан мэдээ тараасан: Путин үнэндээ өөр эцэг эхтэй, тэр огт өөр гарал үүсэлтэй. Түүний жинхэнэ эцэг эх хэн бэ? Тэгээд тэд яагаад өөрийн хүүхдээс татгалзсан юм бэ?

"Пандрёшка" (матрёшка ба Пандорын хайрцгийг нийлүүлсэн нэр) нэртэй миний ном хэдэн жилийн өмнө украин хэлээр орчуулагдсан. Харин "Кремлийн ханыг толгойгоороо мөргөхүй" нэртэй хоёр дахь ном маань үнэхээр илүү сонин бүтээл болсон шүү. Бас украин хэлээр хэвлэгдсэн. Эхний ном бол миний хувьд туршилт байлаа. Социалист Польш улсын иргэн би СССР-т ирсэн хэрэг, дараа нь Орост ирвээ. Намайг яг л Ангараг гариг руу илгээсэн юм шиг. Энэ бол миний Ангараг гаригт, өөрөөр хэлбэл Путинээс өмнөх үеийн Орост ирсэн мэдрэмж юм. Дараагийн ном нь шинэ Оросын тухай юм. "Кремлийн ханыг толгойгоороо мөргөхүй". Таны яриад байгаа нь бол энэ номны хавтас дээрх бичээс.

Тийм үү?

Энэ хавтсыг хараад би мэл гайхсан. Тэрийг сонгосон нь би биш. Гэхдээ бүх зүйл тэнд байгаа. Та надаас Володягийн гарал үүслийн талаар асуугаад, энэ бол "дэлбэрэх бөмбөг" гэсэн. Гээд энэ бол миний олсон нээлт огтхон ч биш шүү. 2000 оны гуравдугаар сард болсон ерөнхийлөгчийн сонгуулийн өмнөхөн Путины хувьд хамгийн аймшигтай нээлт болсон юм. Путины ээжийг олсон Гүржийн “Алия” сонины сэтгүүлчдийн хийсэн энэхүү нээлтийн улмаас...

Жинхэнэ ээжийг нь?.

... чеченчүүдийн тусламжтайгаар. Энэ бол өөр асуудал. Үүний улмаас тэр үеийн гайхалтай сэтгүүлч, томоохон холдингийн тэргүүн асан Артем Боровик нас барав. Түүний хэвлүүлсэн сонин "Маш…

"Маш нууц" сонин.

Тэрээр долоо хоног бүрийн “Хувилбар” нэртэй сэтгүүл гаргадагаас гадна телевизийн “Маш нууц” нэртэй нэвтрүүлэг хөтөлдөг байсан. Тэгээд тэр ч шинээр олсон юм биш, хамгийн нууц зүйл бол тэр үед ерөнхийлөгчийн сонгуульд нэр дэвшиж байсан Владимир Путины бага насны тухай мэдээлэл болохыг олж мэджээ... "Алия" сонины сэтгүүлчид түүнд Гүржийн Метехи тосгоноос нэгэн эмэгтэйг олсон гэж мэдэгджээ... Тэд түүнээс үнэхээр Путины жинхэнэ ээж мөн үү гэж асууж... Энэ бүх сенсац дөнгөж сонгуулийн өмнө эхэлсэн. Учир нь Метехи тосгонд Володя гэх нэртэй хүүгийн оршин сууж байсан газрын ул мөрийг нэр бүхий албаны төлөөлөгчид хайж гарчээ. Хэрэв хэн нэгэнд нь ямар нэгэн гэрэл зураг байсан бол тэр нь дороо алга болсон гэх.. Энэ бол Гүржийн орхигдсон нэг тосгон учир оршин суугчид нь тун цөөхүүлээ. Тэнд тог цахилгаангүй, телевиз ажиллахгүй байсан тул Владимир Владимирович Путин ерөнхийлөгчид нэр дэвшиж байгааг цөөхөн хүн мэдэж байжээ. Гэтэл тусгай албаныхан үзэгдэж эхэллээ. Дараа нь сэтгүүлчид цувсан. Тэд тосгоны иргэдтэй хийсэн олон ярилцлагыг хальсанд буулгажээ. 1954-1960 он хүртэл хаа нэгтээ Георгий Осепашвилитэй гэрлэсэн Вера Николаевна Путинагийн хүү Володя тэнд амьдарч байсан нь тогтоогджээ. Гэхдээ Бразилийн кино цувралууд шиг тийм онцгой зүйл тохиолдсонгүй. Энэ тухай ярих нь миний хувьд үнэхээр санаа зовмоор, учир нь би энэ замаар алхсан нь ямар нэгэн сенсац хайсных огтхон ч биш. Би Путин гэж хүний харгислалын сэтгэл зүйн үндсийг хайсан юм.

За энэ бол нэгдүгээрт... Цааш нь дараалалтай явцгаая ... Вера Николаевна Путина бол Перм муж дахь Очер хотын хажууд байдаг Терехин тосгоноосс гаралтай. Дэлхийн хоёрдугаар дайн дуусахад тэр 19 настай байхдаа хөдөө аж ахуй, механикжуулалтын техникумд орж, тэнд нэг залуутай танилцжээ. Энэ бол насанд хүрсэн эмэгтэй гэсэн үг. Тэр түүнтэй уулзаж, хамт амьдарч байсан. Тэгээд жирэмсэн болсон хойноо хархүү нь цаанаа эхнэртэй гэдгийг нь олж мэджээ.. Урьд нь тэрээр энэ талаар огт мэдээгүй байсан. Мэдээж хэрэг, бүх эмэгтэйчүүдийн нэгэн адил тэрээр ээж рүүгээ зугтсан. Тэнд 1950 оны аравдугаар сарын 7-нд Володя Путин мэндэлжээ.

Путин 70 биш, аль хэдийн 72 настай гэсэн үг үү?

Мэдээж. Тэгээд хүүхэн цаадахтайгаа дахин нэг жил амьдарсан, дараа нь Узбекистанд дадлага хийхээр одсон. Яагаад гэвэл ямар нэг зүйлд суралцах шаардлагатай байж. Дажгүй суралцсан. Тэгснээ ойролцоох хуаранд амьдардаг цэрэг Георги Осепашвилитэй танилцжээ. Тэд маш хурдан, дороо гэрлэсэн. Ээж нь нас барсан тул хархүү ганцаараа байхыг хүсээгүй бололтой. Тэр яг л гүржүүд шиг, Кавказынхан шигээр өөрийгөө ямар баян, нутагт нь бүх зүйл ямар гайхамшигтай, ямар гоё байшинтай болохоо ярьж өгчээ... Хүүхэн түүнд нь үнэмшсэн хэрэг. Тэгээд л ердөө гурав хоногийн дараа тэд гэрлэжээ. Тэгээд яасан гээ? Тэнд очсон чинь өнөө "гоё том байшин"-гийн орноос шал ч байхгүй овоохойг угтав. Би түүнтэй 2019 оны аравдугаар сард уулзахад яагаад энд үлдэх болсон шалтгаанаа хэлж чадахгүй байсан. Хайр гэж юу байдгийг мартчихсан байна билээ. Гэхдээ нээрээ тэр нөхөртөөд маш их хайртай байсныг би сүүлд нь ойлгосон. Энэ бүхнийг олж илрүүлсэн хүн нь би биш шүү, давтан хэлээд байгаагийн минь учир гэвэл, нэгдүгээрт, “Алия”-ын гүржийн сэтгүүлчид...

Уучлаарай, би яагаад ингэж хэлсэн бэ гэхээр… Таны номын ачаар энэ бүх түүх дэлхий дахинд танигдсан юм. Тэрнээс өмнө энэ тухай яриа гарч байсан ч хүн болгон олж сонсоогүй байснаар таны ном гарсны дараа л шуугиж эхэлсэнн. Та энэнд цоо шинэ амьсгал оруулсан.

Энэ ном хэвлэгдсэний дараа л би ээжтэй нь танилцсан. Гэхдээ та бүхэн бас интернетэд байгаа кинонд анхаарлаа хандуулаарай. Инэкэ Смитсийн бүтээл, "Путины ээж" гэж нэртэй. Тэнд та нар энэ түүхийг үзнэ, ээжийг нь харах болно. Ээж нь Георгий Осепашвилигийн хамт амьдарч асан байшинг ч харна. Тэр гүрж л хүүг өргөж авсан. Цайвар үстэй, цэнхэр нүдтэй хөөрхөн жижиг банди гүржүүдэд таалагдсан... Гэвч Георгийн хүүхдүүд төрж эхлэхэд л хүүгийн хувь заяа дордлоо. Нэгдүгээрт, тэд маш ядуу амьдралтай, Вова ихэвчлэн өлсдөг. Георги ч хүүг хамаагүй ширүүн зодно. Метехигийн бүх оршин суугчид энэ тухай ярьсан. Тэд хүүг их өрөвдөнө. Ихэнх нь өрөвдөх ч зарим нь: “За юун сүртэй юм? Дагавар хүүхэд юм чинь Гога яагаад зодож болдоггүй юм!”

Вова 3-р ангиа төгсөөд бараг 10 настай байхад ээж нь түүнийг зовлонгоос салгах гэж Ураал руу эцэг эхдээ аваачиж өгчээ. Ээж нь хүүгээ хамгийн сүүлчийн удаа харж байгаагаа мэдээгүй. Тэрээр энэ талаар дурсахдаа: "Би хагацахдаа хүүгээ тэврээгүй. Тэр маш их уйлсан... би өөрөө дагаж уйлчихгүй гээд тэрнийг тэврээгүй." Хүүхний эцэг эх нь тэгээд яасан бэ? “Нааш цааш нь дамжуулсаар хүүгээр шуудангийн ачаа болгохоо болъё” гэж бодсон. Тэгээд тэд Путин гэдэг нэртэй Ленинград дахь төрөл төрөгсөддөө үрчлүүлжээ. Энэ бол Мария Ивановна Шеломова, түүний нөхөр өргөж авсан эцэг нь ... Балчир хүүхдийн хувьд тэд аль хэдийнээ настай хүмүүс байлаа. Хэдийнээ эх нь 42, эр нь 55 гарчихсан.

Путины албан намтарт бичигдсэн бүхэн худал. Гэхдээ энэ худал нь бяцхан Володягийн цор ганц үнэн болж хувирсан. Тэр амьдралаасаа юун түрүүнд юуг таньсан бэ? Амьдрал нь худал хуурмаг дээр тогтож буйг мэднэ.

Ингэж энэ хүүгийн амьдралын дараагийн бүлэг эхэлж байна.

Тэр юу туулсныг төсөөлөөд үз дээ. Эхлээд дассан нэг айлын гурван настай хүүхдийг ээжийнх нь өөр гэрт аваачихаар ээжийгээ ойлгохоо больж байна.. Энэ бол түүний хувьд хачин эмэгтэй. Тэгнэ биз? Хүүхэд бүрт хэрэгтэй аюулгүй байдлын мэдрэмжээ алдсан учраас ийм зовлонг хачин их их мэдэрдэг болно. Дараа нь үүндээ дассан ч гэсэн өөрт нь тун таагүй. Тэгээд дахиад л тэс өөр амьдралд дасах хэрэгтэй болно. Яагаад төрсөн огноо нь ялгаатай байна вэ? Нэгдүгээр ангид дахин орж суралцахаас өөр аргагүй шинэ нөхцөл үүсчээ. Гүржид төгссөн гуравдугаар анги нь үл тооцогдох шинэ гөхцөл. Хүү орос хэлээр биш гүржээр ярьдаг байж. Володя тэр үед оросоор тун муу ярьдаг байсан байх. Тиймээс бүгдийг дахин шинээр эхлүүлэх хэрэгтэй болсон. Үүнийг хялбарчлахын тулд тэд шинэ тоолуур зохиосон. Тэр шинэ тоолуураар 1950 онд биш 1952 онд төржээ. Түүний өргөсөн ээж нь Марья Ивановна Шеломова биш харин Вера Ивановна Путина болсон шиг. Түүний жинхэнэ эцэг Платон Привалов нь аль хэдийн нас барсан байх. Владимир Спиридонович Путин бол түүний төрсөн эцэг биш. Ленинград ч түүний төрсөн газар биш. Тэр Терехино, эсвэл Очер хотод эмнэлэгт төрсөн. Терехино бол эмнэлэгтэй байхааргүй дэндүү жижиг тосгон. Тэр Ленинградад биш Очер хотод л төрсөн байж таарна. Албан ёсны намтарт бичигдсэн бүх зүйл нь худал. Гэвч энэ худал нь бяцхан Володягийн хувьд цор ганц үнэн нь болсон юм. Тэр амьдралдаа юун түрүүнд юуг таньж эхэлдэг вэ? Тэрний амьдрал худал хуурмаг дээр тогтдог. Түүний өмнөх бүх амьдрал нь хойд эцгээсээ хүртсэн хүчирхийлэл юм.

Тэгвэл Ленинградын "аав" түүнийг зоддог байсан уу? Шинэ гэр бүл ч түүнд муухай ханддаг байсан уу?

Үгүй. Гүрж хойт эцэг нь хүүг үзэн яддаг учраас зоддог байж, харин Ленинградын өргөж авсан эцэг нь хүүгээ хэрхэн хүмүүжүүлэхийг мэддэггүй учир гар хүрдэг байсан байх гэж бодож байна. Тэр бол жинхэнэ дотоод яамны үзэлтэн, туйлын сталинист, коммунист үзэл сурталд маш нягт автагдсан нэгэн. Хүүг өөрт нь хамгийн тохиромжтой гэж бодсон ёсоороо өсгөсөн. Магадгүй, хайрын улмаас зоддог байсан байж болох л доо.

Тэгээд юу нь бүрэн нотлогдсон бэ? Түүнийг Ленинградад хүлээж авсан хүмүүс юу гэж хэлдэг вэ? Володя Путины хожим ирж амьдрах болсон хашаанд томчууд юу ярилцаж, юу мэдэж, хэн харж байв. Энэ бол Басков Лэйн мухар гудамжны 12 тоот. Нэгэн сайхан өдөр Мария Ивановна, авга эгч Маша нар бяцхан залууг гараас нь хөтлөн: "Хүмүүс ээ, энэ бол миний хүү Володя. Түүнийг битгий гомдоогоорой" гэж танилцуулж байсныг хашааныхан бүгд санаж байгаа. Үүнийг нь зөвхөн би төдийгүй Ленинградын нэртэй сэтгүүлчид ч бас нотолсон. Тэд эдгээр хүмүүстэй ярилцаж байсан. Би бас тэдний заримтай нь ярилцаж үзсэн. Тэнд удаан хугацаагаар амьдарч асан хүн бүр ижил зүйлийг давтаж, Володя Путин бол Мария Ивановнагийн хүү биш гэдгийг маш сайн мэддэг. Түүнийг жирэмсэн байхыг хэн ч хараагүй. Шинэ аав, ээжийг хүүхдийн тэрэг түрээд явж байхыг хэн ч үзээгүй. Хүсэл болсон хүүгийнх нь нялхын зураг хаана ч байхгүй. 

Володяг энэ хашаанд нь төсөөлөөд үз дээ. Метехид тэрээр долоон настайдаа самбогийн дугуйланд, өөрөөр хэлбэл өөрийгөө хамгаалахаар бүртгүүлсэн. Тэгээд ээжийгээ нударгаараа хамгаалсан. Өөрийгөө болон ээжийгээ хүндлэх сэтгэлийг ингэж л ялж сурсан. Үүнтэй ижил зүйл Ленинградад давтагджээ. Хашааны хүүхдүүд түүнийг эх эцгийнхээ төрсөн хүү нь биш гэдгийг мэдэж байв. Хүүхэд бол хүүхэд шүү дээ... Тэд нар түүнд "Чи тэдний хүү биш" гэж хэлсэн байх ... Манай Володя юу хийсэн бэ? Володя жүдогоор хичээллэж эхлэв. Мөн энэ жүдогоор тэрээр хүндэгэл гэдгийг тоохоо больсон. Энэ бол түүний сурсан зүйл юм.

Кристина, надад асуулт их байгаа ч цаг зав бага байгаа тул таниас илүү тодорхой халуухан юм асуумаар байна. Ээжийн дүү нар нь яасан? Одоо тэд бас л Гүржид амьдарч байгаа юм биш байгаа? Одоо тэдэнтэй холбогдож болох уу? Тэд ямар нэгэн ажил албатай болов уу? Магадгүй бид тэднийг шал өөр нэрээр мэддэг ч юм билүү? Та тэдэнтэй холбогдож чадсан уу?

Мэдээж үгүй. Тэд ээжийнхээ адил Володятай ямар нэгэн холбоо тогтоохыг үнэхээр хүсэж байжээ. Энэ холбоо тасарлаа. Путины ээжийн эцэг эх, өөрөөр хэлбэл Володягийн өвөө, эмээ нар ээжид нь, "Бид түүнийг дотуур байранд явуулсан. Тэр чамтай ярихыг хүсэхгүй байна." гэжээ. Түүний эгч София олон удаа залгасан. Түүнд "Тэр чамтай ярихыг хүсэхгүй байна" гэж хариулж. Путиныг насанд хүрсэн хойно түүнд, "Тэр КГБ-д ажилладаг. Тэр тантай холбогдох боломжгүй." Тэгээд л болоо. Путин энэ гэр бүлээс бүх харилцаагаа таслав. Тэр холбоо бариагүй төдийгүй тэднээс зугтах болсон. Хэрэвзээ ФСБ-ын ажилтнууд Метехи рүү байн байн очиж, Путины төрсөн ээж, дүү нарт ямар ч сэтгүүлчтэй холбоо барихгүй байхыг сануулан хориглоогүйсэн бол асуудал их амархан байх байлаа л даа. Гэхдээ л 2003 онд Инека Смитс кино бүтээж чаджээ... Жишээлбэл, 2015 онд Германы сэтгүүлч ирэхэд охин нь ээжтэйгээ ярихыг зөвшөөрөөгүй бөгөөд үүнийгээ ФСБ хориглосон гэж тайлбарлажээ. Гэхдээ хамгийн чухал зүйл бол тэнд хоёр сувилагч ирж энэ эмэгтэйгээс цус болон бусад зүйлийг шинжилгээ авсан байдаг. "Би ДНХ шинжилгээ өгч болно" гэж эмэгтэй ярьсан. Харин сувилагч нар тэр чигтээ алга болсон, үүнээс хойш энэ сэдвээр хэн ч юу ч яриагүй. Хожим би Метехид очиход тэнд надад ярилцлага хориглох охид байхгүй байсан нь маш их аз байлаа. Гэхдээ би том цоожтой битүү төмөр торны цаанаас ярилцлага авсан шүү дээ. Би эмгэнтэй гудамжинд зогсож байгаад ярилцлаа. Тэрээр үргэлж хүн бүрт давтдаг зүйлээ л ярьсан, энэ болгон нь үнэн түүх юм. Тэрээр уйлан байж хүүгээ нэгмөсөн алдсан гэсэн. "Би хүүгээ ойлгож байнаа. Би хүүгээ охидынхоо төлөө зарчихсан хүн дээ."

Путин өөр хоёр эмэгтэй дүүтэй юу?

Хоёр дүү, бас эрэгтэй дүү байгаа юм шиг, гэхдээ би тэдний талаар юу ч олж сонсоогүй. Хоёр охин дүү нь Тбилист байдаг гэсэн.

Хуурамч намтартай, өнгөрсөн амьдралаасаа ичсэн хүн яваандаа жинхэнэ мангас болон хувирчээ... Та Артем Боровикийг хэлсэн. 2000 онд тэрээр Путины жинхэнэ ээжтэй ярилцлага хийхээр Гүрж руу нисэж байхад нь онгоц осолдож, нас баржээ. Онгоцонд байсан хүмүүс бас амиа алдсан байж таарна. Энэ юу байсан юм?

Энэ бол осол биш байсаан. Энэ бол зохион байгуулсан аллага. Боровикийн компьютер болон гар утас нь тэр даруй алга болж, бүх бичиг баримт нь "маш нууц" гэсэн тамгатай дарагдсан. Энэ бүхнйг хэрхэн зохион байгуулсныг илчилсэн нотолгоог сэтгүүлчид азаар тогтоож чадсан. 

Хүн амины хэрэг?

Мэдээж, тийм. Энэ нь батлагдсан. Миний бүх номд энэ тухай бичсэн. Магадгүй миний номыг украин хэлээр орчуулах хүсэлтэй зоригтон хэвлэгч гарч ирэх байх. Тэнд бүх зүйл өмнөх шигээ өдөр өдрөөр нь тодорхой бичигдсэн байгаа. 

https://gordonua.com/ukr/publications/kurchab-redlh-spravzhnya-mati-putna-zhila-u-gruzinskomu-selishch-vn-pozashlyubniy-sin-u-10-rokv-yogo-vddali-rodicham-u-lenngrad-1643985.html

Ярилцлагын үргэлжлэл “Ерөнхийлөгч Владимир Путины нууц намтар” дараагийн дугаарт

Эх сурвалж: Baabar.mn

0


Сэтгэгдэл (0)

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.





ШИНЭ МЭДЭЭ

Ойрын өдрүүдэд нутгийн хойд хэсгээр дуу цахилгаантай аадар бороо орно6 сар 24. 14:05ЦЕГ: Хүүхдийн эрхийг зөрчсөн 82 иргэнд 24.600.000 төгрөгийн торгуулийн шийтгэл оногдуулав6 сар 24. 12:19ХҮЭК-т сонгуультай холбоотой гэм хэргийн шинжтэй 182 гомдол мэдээлэл иржээ6 сар 24. 12:09МАН-ын дарга, Ерөнхий сайд Л.Оюун-Эрдэнэ: 2025 оныг залуучуудын жил болгоно6 сар 24. 12:05Нэр дэвшигч, нам, эвсэл хандив болон сонгуулийн зардлын тайлангаа Аудитын байгууллагад хүргүүлж, ил тод мэдээлнэ6 сар 24. 11:05Нам, эвслийн дарга нарын хамгийн олон давтамжтай “үгс”6 сар 24. 10:59ЭМД-ын шимтгэлээ 2019 оноос тасралтгүй төлснөөр тусламж үйлчилгээ авах боломжтой6 сар 24. 10:56Дүнжингарав худалдааны төвийн уулзвараас 133 дугаар сургууль хүртэлх авто замын өргөтгөлийн ажил хийгдэж байна6 сар 24. 10:51Нийтийн тээврийн үйлчилгээнд шинэ чиглэлүүд нэмлээ6 сар 24. 10:47Монгол Улсын Ерөнхийлөгч У.Хүрэлсүхийн Бүгд Найрамдах Узбекистан Улсад хийх төрийн айлчлал эхэллээ6 сар 24. 10:42Р.Даваадорж: Төсвийн 5-7 тэрбумаар Сэлэнгэ аймагт “балгас” барьсан байхыг харлаа6 сар 24. 10:38Нийслэлийн хэмжээнд гамшгаас хамгаалах өндөржүүлсэн бэлэн байдлын зэрэгт шилжлээ6 сар 23. 16:54Гэр, хашаа, гудамж, талбайд ус орсон 70 дуудлага, мэдээллийн дагуу ажиллалаа6 сар 21. 20:20Үерийн далан халих эрсдэлээс сэргийлж Дунд голын төгсгөлд зөвшөөрөлгүй барьсан түр замыг сэтэллээ6 сар 21. 13:36Иргэдийн аюулгүй байдлыг хангаж, бэлэн байдалд ажиллаж байна6 сар 21. 10:45Шар хоолойн 3 км автозамын ажил удахгүй эхэлнэ6 сар 21. 10:39Ц.Энхбат: Үр хүүхдэдээ новшийн нийгэм үлдээчхээд “би сошиал дээр зөндөө сэтгэгдэл бичсэн” гээд сууж баймааргүй байна6 сар 21. 10:36Монгол Улсын Арслан Б.Ганбат: Б.Заяабал бол бэлтгэгдсэн төрийн хүн6 сар 19. 20:22С.Батсайхан: Ус зайлуулах шугам угсарсан газруудад үзлэг хийхэд ус тунасан асуудал гараагүй6 сар 19. 19:23Б.Заяабал: Баруун бүст Ховдын цементийн үйлдвэртэй адил том оврын гангийн үйлдвэр байгуулахаар мөрийн хөтөлбөрт туссан6 сар 19. 13:55Хотын реформын автор Э.Бат-Амгалан6 сар 19. 13:09Д.Оюунбат: Өчигдөр шөнө орсон аадраар үерийн нөхцөл байдал үүсээгүй6 сар 19. 10:32Сайдын дэвшсэн тойрогт пуужингийн хуртай6 сар 19. 9:49Туркийн нэг ч аяллын компанид агнуурын тусгай зөвшөөрөл олгоогүй6 сар 19. 9:12Нийслэл 2024 онд багтан бонд гаргаж, дотоодын зах зээлд арилжаална6 сар 19. 9:05НӨАТ-ын сугалааны тохирол явагдана6 сар 19. 8:54Хүнийг 48 цагийн дотор үхэлд хүргэх аюултай, “эдээр хооллодог” нянгийн өвчлөл Японд тархаад байна6 сар 19. 8:49Улаанбаатарт дуу цахилгаатай бороотой6 сар 19. 8:43Зурхай: Үс шинээр үргээлгэх буюу засуулбал жаргал ирнэ6 сар 19. 8:41Завхан аймагт болсон үерт 5 багийн 158 өрх өртжээ6 сар 18. 21:33Харцага Ц.Бямба-Отгонд Улсын арслан цолыг нөхөн олгов6 сар 17. 11:41Төв цэнгэлдэх хүрээлэнгийн гадна талбайн ногоон байгууламжийн ажил 40 хувьтай үргэлжилж байна6 сар 17. 10:39Улаанбаатарт +29...+31 градус дулаан байна6 сар 17. 8:16Зурхай: Сэтгэлд сэвтэй газар очиход муу6 сар 17. 8:14Ардчилсан намын дарга Лу.Гантөмөр эмгэнэл илэрхийллээ6 сар 17. 8:02Б.Заяабал: "Шинэ хоршоо" хөтөлбөр амжилттай хэрэгжиж байна6 сар 15. 16:47Шинэ хоршоологчдод алдаа оноогоо дэнслэх судалгаа, туршлага хэрэгтэй6 сар 15. 16:28Ричард Бреслин: Улаанбаатар хотын төв цэнгэлдэх хүрээлэнг бүрэн шинэчлэх шаардлагатай6 сар 14. 17:00“ASIAN FOLK” АЗИЙН ХОТУУДЫН АРДЫН УРЛАГ, ГАР УРЛАЛЫН НААДАМ ЭХЭЛЛЭЭ6 сар 14. 14:25Ерөнхий сайд Л.Оюун-Эрдэнэ 30 саяын машин, 364 саяын орон сууцтай6 сар 14. 9:11
 Facebook Twitter Youtube