Украины Ерөнхийлөгч Владимир Зеленский Оросын цэргүүд иргэний дэд бүтцийг буудаж байгаад хариу өгөхийн тулд бидэнд алсын тусгалтай пуужин хэрэгтэй гэж мэдэгджээ.
Хэрэв бид зэвсэгт хүчнээ хэрэгцээтэй байгаа пуужингаар хангаж чадвал Оросын энэ терроризмыг зогсоох боломжтой гэж Зеленский хэлэв.
Зеленский хэлсэн үгэндээ Украин Америкийн ATACMS төрлийн пуужинг хүлээн авах нь чухал гэдгийг онцлон тэмдэглэсэн бөгөөд энэ пуужинг нийлүүлэх хүсэлтээс Вашингтон өнөөг хүртэл татгалзсаар байгаа юм.
Энэ төрлийн пуужингууд нь 300 км хүртэл тусгалтай бөгөөд тэдгээрийг ашиглах нь Украины цэргийнхэнд фронтын шугамаас алслагдсан Оросын цэргийн зэвсгийн агуулах, хангамжийн баазад цохилт өгөх боломжийг олгоно.
ATACMS-ээс гадна бид 150 км хүртэл харвах тусгалтай газраас хөөргөх жижиг диаметртэй бөмбөг (GLSDB) пуужингийн тухай мөн ярьж болно гэж Ерөнхийлөгч онцолжээ.
Арваннэгдүгээр сарын сүүлчээр Боинг корпорац АНУ-ын Батлан хамгаалах яаманд ийм пуужинг Украинд шилжүүлэх санал тавьсан тухай Ройтерс агентлаг мэдээлж байсан юм.
Өнгөрсөн есдүгээр сард Украины Зэвсэгт хүчний Ерөнхий командлагч генерал Валерий Залужный, мөн Дээд Радын Үндэсний аюулгүй байдлын хорооны орлогч дарга дэслэгч генерал Михаил Забродский нар 2023 оны кампанит ажлын тухай хамтарсан хөтөлбөртөө пуужингийн тусгалын тал дээр Оростой ижил түвшинд хүрэх шаардлагатай байна. Энэ үзүүлэлтээр Оросын пуужинтай харьцуулах боломжтой пуужинг олж авах нь дайсныг дураараа дургих боломжийг зогсооно гэдгийг тусгасан юм.
Бямба гарагт Украины Ерөнхийлөгчийн Тамгын газрын даргын зөвлөх Михаил Подоляк хэлэхдээ, Украин барууны түншүүдтэй нисэхийн болон оператив-тактикийн пуужин нийлүүлэх талаар аль хэдийн хэлэлцээ хийж байна гэжээ.
Эх сурвалж: ВВС
Сэтгэгдэл (2)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Энэ орчин цагийн Бенитто Муссолини юмуудаа
МУУ МАЛУУД ХЭЗЭЭ Ч ОРОСЫГ ДИЙЛЭХГҮЙ!!!