АНУ-ын Тагнуулын төв газрын дарга Уильям Бөрнс Ерөнхийлөгч Жо Байдены даалгавраар боловсруулсан энх тайвны төлөвлөгөөний нэг хэсэг болох дайныг зогсоохын тулд Украины нутаг дэвсгэрийн нэг хэсгийг ОХУ-ын Ерөнхийлөгч Владимир Путинд санал болгосон гэх мэдээлэл Германы Neue Zürcher Zeitung (NZZ) сонинд пүрэв гарагт нийтлэгджээ.
Байден Украинд удаан үргэлжилсэн дайныг зогсоохын тулд Бернсээр дамжуулан Путинд Украины нутаг дэвсгэрийн 20 орчим хувийг санал болгосон гэж Германы улс төрчдийн үгсийг сонин иш татжээ.
Киев энэ саналыг "Бид газар нутгаа хуваахыг хүсэхгүй байгаа учраас" татгалзсан гэж мэдэгдсэн бол Кремль "ямар ч байсан дайнд алсдаа ялна" гэж хэлсэн гэж NZZ мэдээлэв.
Москва, Киев хоёр энэ саналаас татгалзсаны дараа л Байдены засаг захиргаа Киевт "Абрамс" танк нийлүүлэхээ амласан гэжээ.
Сэтгүүлчид 1-р сарын сүүлээр Бернс Москвад нууцаар очиж, Оросын удирдлагатай энэ төлөвлөгөөний талаар ярилцсан гэж мэдэгдэж байсан юм.
Өмнө нь "Вашингтон Пост" сонинд Тагнуулын төв газрын дарга Киевт нууцаар очиж Ерөнхийлөгч Зеленскийтэй уулзсан тухай мэдээлж байв.
Энх тайвны төлөвлөгөө үнэн хэрэгтээ хэрэгжиж магадгүй гэсэн агуулгатай төстэй мэдээлэл Оросын хэвлэл мэдээллийн хэрэгслээр өнгөрсөн долоо хоногт Кремльтэй ойр эх сурвалжаас иш татан нийтлэгдэж байна.
Киев энэ мэдээллийн талаар албан ёсны тайлбар хийгээгүй байна. Украины Ерөнхийлөгчийн Тамгын газрын зөвлөх Михаил Подоляк ийм яриа хэлэлцээ хийгдээгүй гэж хэлсэн ч "Мэдээжийн хэрэг, янз бүрийн түвшинд үргэлж зөвлөлдөж ярьдаг гээд Украин ямар ч тохиолдолд ийм зүйлийг зөвшөөрөхгүй гэдгийг онцолжээ.
Харин даваа гарагт Путины хэвлэлийн төлөөлөгч Дмитрий Песков хэлэхдээ, Орос, Украины хооронд хэлэлцээр хийх нь одоо боломжгүй, учир нь тэдэнд де факто болон де юре нөхцөл байхгүй гэжээ.
Эх сурвалж: ВВС
Сэтгэгдэл (2)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Гол нь холын тусгалтай тактикийн пуужин дорон хэрэгтэй шүү дээ. Танк бол 2-р асуудал. Одоо Украйн чадан ядан давшилтыг тогтоож байна. Зэвсэг нийлүүлээгүй 3 -р сарын сүүл гээд ер нь удаашруулж хүний амь эрсэдсээр
Хамгийн оновчтой шийдэл бол Орос, Украйн хоёр дайныг зогсоохын тулд харилцан буулт хийж тохирох л асуудал. Тэрнээс Украйныг өмөөрөх нэрийдлээр дэлхийн энх тайван байдлыг алдагдуулах, эв нэгдлийг сарниулж, талцуулан байлдааныг улам өргөжүүлэх нь хүн төрлөхтөнийг аймшигт сүйрэлд ч хүргэж мэдхээр эрсдэлийг дагуулж баЙНА. Оросууд ялагдаж эхэлбэл үхэхдээ үхэр буугаа..гэдэг л болно.