Ойролцоогоор 6-8-р зууны үеийн 50 настай эмэгтэйн гавлын яс,
Остеоархеологийн олон улсын сэтгүүл 2023
Италийн төв хэсгээс олдсон Византийн үеийн дунд эргэм насны эмэгтэйн гавлын яс нь дор хаяж хоёр удаа мэс засал хийлгэсэн болохыг тогтоожээ.
Гавлын ясыг VI-IX зууны үед оршуулгын газар байсан Кастел Тросино дахь Ломбардын оршуулгын газраас олжээ. Ромын эзэнт гүрэн нуран унаснаар энэ газар Византийн цэргийн бэхлэлт болж өөрчлөгдсөн бөгөөд Ломбардын хамгийн чинээлэг гэр бүлүүд амьдарч байв.
Кастел Тросино дахь малтлагын үр дүнд алт, үнэт эдлэл гэх мэт тансаг оршуулгын эд зүйлс олдсоноос гадна хамгийн сүүлийн олдвор нь дээрх гавлын яс аж. Судлаачдын үзэж байгаагаар эмэгтэй ямар нэгэн системийн өвчнөөр шаналж байсан байх магадлалтай гэнэ. Мөн шүдний өвчин илт илэрч, цочмог буглаа, шүд цоорохтой холбоотой араа шүд нь маш их элэгдэлд орсон аж. Шинжилгээгээр цэвэршилтийн насны эмэгтэйчүүдэд өргөн тархсан нэгэн өвчин илэрсэн бөгөөд энэ нь ихэвчлэн таталт, толгой өвдөх, таргалалт, чихрийн шижин зэрэг бусад өвчнийг үүсгэдэг гэнэ.
Судалгааны ажилтан Илеана Микарелли "Энэ эмэгтэй хэд хэдэн удаа урт хугацааны мэс заслыг даван туулсан болохыг бид олж мэдсэн. Сүүлийн хагалгаа нь нас барахаас өмнөхөн хийгдсэн бололтой" гэжээ. Мөн багийн гишүүн Жоржио Манзи "Энэ нь дундад зууны эхэн үеийн эмэгтэйчүүдэд хийсэн мэс заслыг илтгэх археологийн цөөн хэдэн нотлох баримтын нэг" гэж судлаачид үзсэн байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.