АНУ-ын экс Ерөнхийлөгч өөрийнх нь эсрэг зарга үүсгэсэн зохиолч Жан Кэрролд 5 сая долларын нөхөн төлбөр төлөх болжээ.
АНУ-ын Ерөнхийлөгч асан Дональд Трампын эсрэг 79 настай зохиолч Жан Кэрролийн гаргасан иргэний нэхэмжлэлийг Нью-Йорк хотын шүүхээс хэлэлцэн Трампыг нь бэлгийн дарамт, нэр төрд халдсан хэрэгт буруутай хэмээн энэ сарын 9-ний өдөр буюу өчигдөр тогтоов.
Кэррол 1996 онд Трамп Манхэттэн дэх тансаг зэрэглэлийн худалдааны төвийн дотуур хувцасны тасагт түүнийг хүчирхийлсэн гэж мэдэгджээ. Кэролын мэдүүлгээр Трамп эхлээд түүнээс өөр эмэгтэйд бэлэг сонгоход нь туслахыг хүссэн байна. Түүнийг дотуур хувцас өмсөхөөс татгалзсаны хариуд хүчиндсэн гэж зохиолч хэлжээ.
АНУ-ын Ерөнхийлөгч асан Трамп энэ бүх мэдүүлгийг няцааж, эмэгтэйг худалч гэж нэрлэсэн байна. Нью-Йоркийн шүүх тавдугаар сарын 9-нд хоёр цаг хагасын турш хэлэлцсэний эцэст зургаан эрэгтэй, гурван эмэгтэй хүний бүрэлдэхүүнтэй ажилласан тангарагтны шүүх Трамп Кэроллд таван сая орчим долларын нөхөн төлбөр төлөх шийдвэр гаргасан байна.
"FAZ" сонины мэдээлснээр Трамп өөрөө шүүх хурал дээр үг хэлэх боломжийг ашиглаагүй байна. Гэхдээ "Энэ эмэгтэй хэн болохыг би огт мэдэхгүй. Шүүхийн шийдвэр бол ичмээр юм. Бүх цаг үеийн хамгийн том шулмын агнуурын үргэлжлэл" гэж олон нийтийн сүлжээнд шүүхийн шийдвэрийн талаар тайлбар хийж, цаашид давж заалдах бодолтой байна. 2024 оны сонгуульд дахин төрийн тэргүүнд нэр дэвшинэ гэсэн байна.
Трампын өмгөөлөгч Жо Такопина шүүх хурал дээр Жан Кэррол шинэ номоо амжилттай зарахын тулд үйлчлүүлэгчийнхээ эсрэг хүчингийн хэрэг үүсгэсэн гэж мэдэгджээ.
Эх сурвалж: DW
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.