“Nikon” брэндийн албан ёсны элч, Оросын гэрэл зурагчин, аялагч Даниэл Коржонов /Daniel Kordan/ Монголын Баруун хязгаарт зочилсон тухайгаа өөрийн нүүр номондоо бичжээ. “Байгаль бол өнгө найрлага, гоо үзэсгэлэн, миний урам зориг” хэмээн өөрийн танилцуулгадаа бичсэн Даниэл нь Италийн Тоскана, Индонезийн Бали аралд амьдардаг бөгөөд дэлхийн үзэсгэлэнт байгальтай газар нутгаар аялж, бүтээл хийдэг. Инстраграмдаа 2 сая дагагчтай, Apple Red Bull зэрэг брэндтэй хамтран ажиллаж байсан аж.
Монголын баруун Алтайн хязгаарт бүргэдээр ан хийх зан үйлийг өвлөн уламжилсан залуу амьдардаг. Тэд эртний энэ уламжлалаа эрхэмлэн дээдэлдэг. Алтан бүргэд хэмээн сүр жавхлант амьтныг сургах, ан ав хийх, аялал жуулчлалд зориулж үзүүлбэр хийдэг 300 орчим бүргэдчин аж төрж байна. Энэхүү сэтгэл татам ертөнцөд би бүргэдчин анчид болон тэднийн анч бүргэд хоорондын гүн гүнзгий харилцааны гайхамшгийг гэрэл зурагт шингээхийг хичээлээ. Монголд жил бүрийн есдүгээр сард жуулчдад зориулж, бүргэдчидийн наадам болдог ч миний хувьд нутгийн хөтөч нартай холбогдон нүүдэлчин гэр бүлүүдтэй танилцан зочилж, илүү дотносохыг хүссэн юм. Бүргэдчин, бүргэд хоёрын хүч чадал, ур чадвар, тэдний хамтын гүн мэдрэмжийг илэрхийлэхийг хичээсэн минь энэ. Орчин цагийн хурдацтай хөгжил, шинэчлэлд мянган жилийн түүхтэй энэхүү уламжлалыг өвлөн авч явах үнэхээр хэцүү гэдгийг би мэднэ. Гэсэн ч тэдний өв соёлоо хамгаалж, хойч үедээ өвлүүлэн үлдээх гэсэн чин сэтгэлээс үнэхээр урам зориг авлаа. 13 настай хүүхдүүд хүртэл бүргэд, шонхор шувуугаа асарч чаддаг. Тэд бүргэдээ маш их хүндэтгэдэг бөгөөд 10 нас хүрэхээр нь байгальд нь тавьдаг байна. Нүүдэлчдийн өдөр адуу, хонь, ямаа маллах, хоол унд хийх, үслэг эдлэл илдэх зэргээр маш эрт эхэлдэг. Өвөл, хаврын улиралд тэд олон мянган км замын туулж, тэсвэр хатуужил, хичээл зүтгэлийг харуулсан нүүдэл хийдэг.
Дэлхий дахинд хүмүүс эдгээр баялаг ёс заншил уламжлалыг хадгалахын ач холбогдлыг хүлээн зөвшөөрч, тэднийг хүндэтгэх болно гэж итгэж байна гэжээ.
Тэрээр жил бүр бүргэд, бүргэдчиний амьдралыг харуулсан гэрэл зургийн аялалд хамтдаа оролцохыг уриалж, энэ нь нүүдэлчдийн соёлыг хадгалж үлдэхэд дэмжлэг болж чадна хэмээн үздгээ илэрхийлсэн байна.
Мөн “Эдгээр бүргэдчин анчид өв соёлоо хадгалан үлдэхийн төлөө хичээн чармайж байх үед тэдний гайхалтай түүхүүд нь соёлын өв уламжлалын бат бөх хүчийг сануулдаг.” гэсэн байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.