Долоон настай бяцхан хүү өөрийн хүсэл сонирхолдоо хөтлөгдөн бүжгээр хичээллэж эхэлснээс хойш 15 жил энэ л замаасаа хазайлгүй тив дэлхийд эх орныхоо нэрийг цуурайтуулан, монгол бүжгийн гайхамшгийг дэлхийд таниулж явна.
2022 онд Болгар улсад зохион байгуулагдсан World Championship of Folklore "World folk 2022" тэмцээнд Э.Амаржаргал Монгол Улсаа төлөөлөн оролцож, “Нуман туульс” бүжгээрээ 2-р байр эзэлжээ. Мөн “The Seoul International Dance Competition” олон улсын гоцлол бүжигчдийн тэмцээнд хоёр удаа оролцож, тэргүүн дэд байр, 2022 онд Канад улсад зохион байгуулагдсан "Welcome to Canada" онлайн фестивальд “Тамган биелгээ” бүжгээр тэргүүн байр эзэлсэн гээд түүний амжилтуудыг дурдаад баршгүй.
Тэрээр “Нуман туульс, “Тамган биелгээ”, “Бугуйлт биелгээ” гэхчлэн ардын бүжиг, бие биелгээ, бүжгээ дэглэхдээ монголчуудын ахуй амьдрал, уламжлалт нүүдэлчин соёл, уудам тал нутгаа дүрсэлж үзүүлэхийг зорьдог тухайгаа ярьсан юм.
Э.Амаржаргал Завхан аймагтаа бүжгийн дугуйлан хичээллүүлж хүүхдүүдэд бие биелгээ, ардын бүжиг, цэнгээнт бүжиг гэх мэт бүжгийн бүх төрлийг зааж байна.
Хэдхэн хоногийн өмнө бүжигчин маань Болгар улсын Велико Тырново хотод зохион байгуулагдсан Язгуур урлагийн дэлхийн аваргын цомын VIII уралдааны ардын бүжгийн төрөлд алтан медаль хүртжээ. ЮНЕСКО-гийн байнгын түнш, язгуур урлагийн фестивалиудын Европын холбооноос уг уралдааныг энэ удаа цахимаар зохион байгуулсан байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.