Бидний дуртай хамтлагуудын нэр ямар утгатайг мэдэх үү

Хамтлагийн нэр бол тэднийг олны танил болж, нэр алдар нь дэлхий даяар дуурсагдах эсэхтэй салшгүй холбоотой. Тэгвэл бидний сонсдог, хүндэлдэг, шүтэн биширдэг хамтлагуудын нэр ямар утгатай болохыг мэддэг бил үү.

BTS - Нэвтэршгүй скаутууд

Дэлхий нийтээр олон арван сая шүтэн бишрэгчтэй болж, Солонгосын поп BTS хамтлагийн нэр нь 2 утгатай гэнэ. Эхэндээ залуус өөрсдийгөө "Нэвтэршгүй скаутууд" гэж нэрлэдэг байсан бөгөөд дэлхийн олон улс орнуудад алдартай болсноор хамтлаг товчилсон үгийн кодыг өөрчилсөн. Одоо BTS нь Beyond the Scene гэсэн үгийн товчлол бөгөөд шууд утгаараа "тайзны ард" гэж орчуулагддаг.

Maroon 5 - "Бургунди тав"

“Maroon 5” гэдэг нэрээ 5 дахь гишүүнээ хамтлагт орж ирэх үед нь өгчээ. 5 гэдэг нь хамтлагийн хөгжимчдийн тоог илтгэдэг бол "maroon" гэдэг үг нь англиар "burgundy" гэсэн утгатай аж. / Бургунди Францын тосгон/

The Beatles - "Довтлогч цохнууд"

Хамтлагийн гишүүн Жорж Харрисоны хэлснээр тэд хамтлагийн нэрээ хэрхэн өгөх талаар удаан бодож байсан гэдэг. Эцэст нь, Жон Леннон “The Beatles” нэрийг санал болгожээ. Энэ нь beetle "цох" ба beat цохих гэсэн хоёр үгийг нэгтгэсэн утгатай аж.

Aerosmith - "Агаарын дархан"

Хамтлагаа ийн нэрлэх санаа бөмбөрчин Жой Крамерт сургуульд байхад нь л төрсөн бөгөөд өөрийн гэсэн рок хамтлаг байгуулахыг мөрөөддөг байжээ. Гарри Нилссоны «Aerial Ballet»  буюу "Агаарын балет" цомгоос санаа авсан байна. Крамер “aero” дээрээ үндэслэн өөр өөр хослолууд туршиж эхэлсэн бөгөөд үр дүнд нь “Aerosmith” буюу "агаарын дархан" гэсэн утгатай нэр гарсан юм.

The Rolling Stones – “Гулсмал чулуунууд”

Тус хамтлагийг анх “The Rollin Stones” гэж нэрлэдэг байсан. Хөгжимчид анх Мудди Уотерс, Бо Диддли, Чак Берри нарын дуучид, блюзмэнүүдийн ковер хувилбаруудыг тоглодог байв. Тиймээс Мудди Уотерсын "Rollin Stone" дуу нь хамтлагийн нэрний үндэс болсон аж. Энэ санааг тухайн үед хамтлагийн гол хүн байсан Брайан Жонс санал болгосон гэнэ.

Pink Floyd - "Ягаан төлөв"

"The Pink Floyd Sound" гэх хамтлагийн анхны нэрийг үүсгэн байгуулагч, ахлагч Сид Барретт өгчээ. Сид олон нийтэд төдийлөн нэрд гараагүй Африк-Америк блюзчин Пинк Андерсон, Флойд Каунсил нарын нэрний нийлбэрээр хамтлагаа нэрлэсэн байна. Дараа нь тус хамтлагийг зүгээр л "Pink Floyd" гэж нэрлэх болсон.

Rammstein - "Чулуун гуалин цохиур"

Хөгжимчид хамтлагтаа тэдний хэв маягийг илэрхийлэх, хүчирхэг нэр өгөхийг хүссэн байна. Тиймээс " stein” – чулуу,  “ramm”-гуалин цохиур / цайзын хана нураах зориулалттай гинжээр бэхэлсэн гуалин мод/ гэсэн хоёр герман үгээс бүрдсэн Раммштейн нэрийг сонгожээ. Гэхдээ энэ бол зоосны зөвхөн нэг тал гэдэг. Германд НАТО-гийн Рамштайн гэх агаарын бааз (нэг "м"үсэгтэй) байсан бөгөөд 1988 онд болсон жагсаалын үзүүлэх нислэгийн үеэр аймшигт осол болж, 70 хүний ​​амь нас хохирч, 500 орчим үзэгч шархадсан юм.