Канадын Британи Колумб мужийн 36 мянган иргэнд нүүлгэн шилжүүлэх сэрэмжлүүлгийг өнөөдөр хүргүүлсэн байна.
Канадын баруун хэсэгт гарсан хүчтэй ой хээрийн түймрийг Канадын түүхэн дэх хамгийн том гал түймэр гэж үзжээ. Келоуна хот бүхэлдээ түймрийн утаанд бүрхэгдсэн тулд Британи Колумби мужийн эрх баригчид 30 гаруй мянган иргэнд нүүлгэх шилжүүлэх сэрэмжлүүлгийг өнөөдөр өглөө хүргүүлжээ.
150 мянган хүн амтай Келоуна хотын олон улсын нисэх буудлын бүх нислэг наймдугаар сарын 18-наас цуцлагдсан байна. Харин нуурын баруун эргийн Баруун Келоуна хотод хэд хэдэн барилга шатаж, хотын зарим хэсгийг нүүлгэн шилжүүлжээ.
Канадын энэ зуны түймрийн улмаас дөрвөн хүн нас барсан бөгөөд түймэрт хамгийн ихээр өртсөн нь Йеллоунайф хот юм. Наймдугаар сарын 17-нд тус хотын 19 мянган хүнийг нүүлгэн шилжүүлжээ. Мөн өнгөрсөн тавдугаар сард Баруун Альберта мужид 25 мянган оршин суугчид түймрээс зугатан гэр орноо орхин дүрвэсэн байна. Одоогоор түймрийн голомтод 3000 гаруй гал сөнөөгч ажиллаж байгаа бөгөөд Австрали, Мексик, Бразил, Коста Рикагаас тусламжийн баг иржээ. Өнөөдөр Канадын хэмжээнд 1000 гаруй түймэр дэгдэж, шатсан талбай 14 сая га-г давсан байна.
Эх сурвалж: DW
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.