“Lonely Planet” сэтгүүлийн аялал жуулчлалын мэргэжилтнүүд 2024 онд Монгол, Шотланд, Филадельфи, Парис болон Австралийн Кенгуру арлыг "заавал аялах ёстой газар" хэмээн онцолсон байна. Тус сэтгүүлээс эрхлэн гаргаж байгаа "Best In Travel 2024" номонд ирэх онд зочлох шилдэг 10 улс, бүс нутаг, хотыг нэрлэжээ.
Сэтгүүлийнхээ 50 жилийн ойг тохиолдуулан аяллын маршрут, зорилгыг "үнэ цэнэ" ба "тогтвортой" гэсэн хоёр ангилалд энэ жил хуваасан байна.
Шилдэг хотуудыг Кенийн Найроби (нэгдүгээрт), Парис (хоёрдугаарт) тэргүүлсэн бөгөөд эхний аравт Хойд Америкийн гурван хот Монреаль (гуравдугаарт), Филадельфи (тав), Канзас Сити (10) багтсан байна.
Шилдэг бүсээр Баруун Балканы хойгийн Транс Динарика (нэгдүгээрт), Австралийн Кенгуру арал (хоёрдугаарт), АНУ-ын Монтана муж наймдугаарт, Хойд Шотланд аравдугаарт эрэмбэлэгдсэн аж..
АНУ-ын баруун дунд хэсэг нь үнэ цэнийн хувьд хамгийн сайн газраар шалгарсан бол Испани бол тогтвортой байдлын хувьд хамгийн шилдэг нь хэмээн үзсэн байна. Мөн Уэльс тогтвортой байдлын жагсаалтын дөрөвдүгээрт оржээ.
Улс
Lonely Planet нь "Монгол Улсыг өргөн задгай орон зай, адал явдлыг эрэлхийлэгчдэд хамгийн тохиромжтой" гэж үзэн чансааны нэгдүгээрт жагсаасан гэж мэдэгдэв. Нийслэл Улаанбаатар нь ч “хүмүүсээр дүүрэн, өвөрмөц үзмэрүүдээр дүүрэн” гэжээ.
Lonely Planet "Орос, Хятад хоёрын дунд шахагдан орших Монголд хоёр том хөршид нь сүүлийн үед өрнөж буй геополитикийн үйл явдлаас үүдэж хүрэхэд хэцүү мэт санагдаж болох. Гэхдээ Монголын үүд хаалга үргэлж нээлттэй, аялал жуулчлалын кампанит ажил 2025 он хүртэл өрнөж байгаа учраас визний хөнгөвчилсөн нөхцөлийг танд санал болгоно” хэмээн бичсэн байна.
Хоёрдугаар байрт жагссан Энэтхэгийг "дэлхийн хамгийн өнгөлөг орон" гэж тодорхойлдог. Lonely Planet "Энэтхэгийн төмөр замууд шинэчлэгдэж, шинэ загварлаг галт тэрэгнүүд давхиж байна" гэжээ.
Гуравдугаарт Марокко, Чили (дөрөвдүгээрт), Бенин (тавдугаарт) оржээ. Шилдэг 10-т Мексик (зургаа), Узбекистан (долоо), Пакистан (найм), Хорват (есдүгээрт), аравдугаарт Сент Люсиа багтжээ.
Хотууд
Зочлоход хамгийн тохиромжтой хотуудын тухайд Lonely Planet-ийн ялагч нь Найроби болжээ. Тус хотыг дэлхийн соёлын төв хэмээн баталж, "алдах аргагүй, адал явдлаар дүүрэн аялал" байна гэв.
Хоёрт, Парис хот орсон нь 2024 оны зуны олимп, паралимпийг зохион байгуулахаар бэлтгэж буй нь зочдод тус хоттой танилцах хүслийг улам бүр бий болгож байна гэж Lonely Planet онцолсон байна.
Гуравдугаар байрт орсон Монреалийг "өөрчлөгдөж буй хорооллууд, олон төрлийн хоол, галерей, сонин дэлгүүрүүдээр дүүрэн" хэмээн магтсан бол дөрөвдүгээрт жагссан Боснийн Мостар хотыг "Мартагдашгүй үзэсгэлэнт дундад зууны үеийн Хуучин хот" гэжээ.
БҮСҮҮД
Баруун Балканы тивийн Транс Динарика дугуйн зам нь Словени, Хорват, Босни-Герцеговина, Монтенегро, Албани, Хойд Македони улсуудаар дамжин өнгөрөх 3364 км (2090 миль) урттай, "дунд зэрэг хэцүү зам” гэж "Lonely Planet" сэтгүүлд дурджээ.
Серби бол "ЮНЕСКО-гийн дурсгалт газрууд, үндэсний цэцэрлэгт хүрээлэн, үзэсгэлэнт өндөр уулс, Адриатын тэнгис, ховдог нуур гээд өөрийн эрхгүй анхаарал татдаг" нь жагсаалтын тэргүүн эгнээнд биччихэд хүргэдэг гэсэн байна.
Сэтгэгдэл (0)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.