Жүжигчин МУСТА Б.Даваажав сурч байсан сургуульдаа зориулж "Эрдмийн өргөө" хэмээх дуу бүтээж, эхнэр МУСТА жүжигчин Б.Ган-Эрдэнийн хамт дуулжээ.
Дууны үг, аяыг Б.Даваажав өөрөө зохиож, хөгжмийн найруулга дээр "Joy" студийн хөгжмийн найруулагч МУСТА Т.Төрболд ажиллажээ. Энэхүү уран бүтээлийнхээ талаар тэрбээр "Хувьсгалт залуучуудын эвлэлийн "Ажилчин залуусын ээлжийн сургууль" хэмээх 60 жилийн түүхтэй уг сургууль маань Нийслэлийн ерөнхий боловсролын 159-р сургууль болон шинээр үйл ажиллагаагаа эхэллээ. Сурч төгссөн сургуулийнхаа нээлтэд зориулаад шинэ уран бүтээлээр бэлэг барихыг зорьсон. 1999 онд уг сургуулийг төгсөөд СУИС-д орж байлаа" хэмээлээ.
Үг, Ая: Бандийн Даваажав МУСТА
"Эрдмийн өргөө"
Хүүхэд балчир насны хүсэл мөрөөдлийг
Хөглөж ойлгуулж ухааруулж ургуулсан
Хөгжилтэй хүүхдүүдийн дуу цангинасан
Хүрэх ирээдүйн оргилд хөтлөх сургууль минь
Дахилт
Аа аа аа..
Энэ л миний эрдмийн өргөө
Аа аа аа...
Энэ л бидний эрдмийн өргөө
Сурагч ахуй насаараа ижилдэн гоёсон
Сургууль танхим та нартаа дэндүү дасжээ
Баяр гуниг бүхнээ ангиараа хуваалцсан
Баярлалаа багшаа таньдаа хайртай шавь нар чинь
Дахилт
Аа аа аа..
Энэ л миний эрдмийн өргөө
Аа аа аа...
Энэ л бидний эрдмийн өргөө
Амьдралын алтан босгыг алхуулсан
Анхны ариун хайртай минь учруулсан
Ажилчин залуусаар түүхээ мөнхөлсөн
Ачлан дээдлэх сургуулиа мартахгүй
Дахилт
Аа аа аа..
Энэ л миний эрдмийн өргөө
Аа аа аа...
Энэ л бидний эрдмийн өргөө
Эрдмийн өргөө бидний сургууль
Сэтгэгдэл (1)
⚠ Анхаар!Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд Toim.mn хариуцлага хүлээхгүй.
Хөөрхөн дуу болжээ төгссөн сургууль багш нараа хүндэтгэсэн уран бүтээл бна