Л.Насанбуян:Ажлын байрны бэлгийн дарамтнаас болж ажлаасаа халагдсан

Улсын филармонийн гоцлол дуучин Л.Насанбуян ажлаасаа халагдсан талаараа тайлбар хийжээ. Тэрбээр найз С.Гантогоотой хамт Филармонийн удирдлагын хууль бус үйлдлийг илчилсэн байна.

Дуучин Л.Насанбуян "Ажлаасаа халагдсан.  Халагдсан шалтгаанаа хэлэхгүй бол болохгүй юм шиг санагдаад байна. Олон эмэгтэй, охид цаашид хохироод үлдэх вий дээ гэж бодлоо. 

Мэргэжлийн хуульч өмгөөлөгчөөс зөвлөгөө авсан. Ажлын байрны бэлгийн дарамтнаас болж хавчигдаж шахагдаж хүсэл мөрөөдлийн ажлаа хийж дуугаа дуулж чадахгүй байдалд орж үздэг юм байна.

Одоогоос олон жилийн өмнө хөдөө сумдад тоглолтоор явж байсан. Байгууллагад ажиллаж байсан эрэгтэй хүн миний биеийн хүрч болохгүй хэсэгт хүрсэн. Тухайн үедээ сандраад яахаа мэдэхгүй хэцүү байдалд орсон. Тухайн хүнд ханд өгөөгүй, өөрт нь дуртай байгаагүйгээс болж "За яах вэ чамайг харнаа" гэсэн утгатай юм хэлсэн.  Би ч муу санаалсангүй. Тухайн үедээ мэргэжлийн болон хуулийн байгууллагад хандаагүй юм. Хэрвээ ямар нэгэн байдлаар ажлын байран дээр бэлгийн дарамтад өртвөл нэн яаралтай цагдаагийн байгууллагад хандаж, баримтжуулах ёстой юм билээ шүү, охид хүүхнүүдээ. Цагдаад мэдэгдээгүй учраас хөөн хэлэлцэх хугацаа ингээд дуусчихсан байсан. 
Одоо ингээд ажил мэргэжлээрээ бие сэтгэлээрээ хохирчихлоо. Ялангуяа урлагийн хүн тайзан дээр гарч дуулдаг. Сэтгэлзүй маш их гэмтэж айдас хүйдэстэй болсон. 

Ажлын байран дээр хүний царайг харахаар сандардаг бантдаг байлаа. Хүчирхийлэл ил тод байх, байнга зодох нүдэх биш далд хэлбэрээр ч явагддаг юм байна шүү. 

Жишээлбэл ажлын байран дээр ямх ямхаар жижиг жижгээр тоглолт дээр гаргахгүй байх тохиолдол байдаг юм байна. Орох байсан тоглолтоос хасагдах. Өнгөрсөн оны тоглолт дээр 2 жил коверлоод дуулсан байсан дууг гаднаас дуучин авчирч дуулуулсан байдаг юм.

Ажлын байран дээр ялгаварлан гадуурхаж эхэлсэн. Байгууллагынхаа захиргаанд зориг гаргаад өргөдөл гаргасан. Гэтэл нотлох баримт байхгүй гэдэг.  Энэ хугацаанд ажлаа хийх гээд янз янзаар тэмцсэн ч амжилт олоогүй.  13 жил ажиллахдаа нэг ч удаа сахилгын шийтгэл авч үзээгүй. Төрийн ажил хийж байгаа болохоор хичээл зүтгэлтэй ажиллаж ирсэн.  

Дараа дараачдаа ийм зүйлд охид хүүхнүүд битгий ороосой гэсэндээ энэ лайвыг хийж байна. Би ч охин хүүхэдтэй. Таны охин хүүхдийг ажлын байран дээр нь ажлаар нь боож хааж хавчиж гадуурхах вий. 

Гэхдээ энэ удаад хэн бэ гэдэг талаар нэр дурдахгүй. Асуудал шалгагдаад явна. Хамгийн гол нь сэтгэл санаагаар унана, ажлаа урам зоригтой хийх хүсэл зорилгогүй болсон. Яагаад үнэнийг хэлсэн хүн буруутан болоод явдаг юм бэ. Дараа дараагийн эмэгтэйчүүд бүсгүйчүүд ийм асуудалд битгий ороосой гэсэндээ хэллээ шүү. Янаглан хорлолт битгий байгаасай.

Намайг 13 жил ажиллахад 13 дуучин ороод гарсан байдаг юм билээ.  Би зориг гаргаад энэ асуудлыг байгууллагадаа хэлсэн. Ёсзүйн хороо удаа дараа хурал хийсэн ч нөгөө хүн тас гүрийсэн. Бүр хахаж хавчаад ажлаасаа гарах бүх боломжийг бүрдүүлж өгсөн. Байгууллагадаа хамгийн идэвхтэй ажиллаж ирсэн шүү. Зөв явбал зөөлөн зөөлөн замбуулин гэж үг бий дээ" гэв.