“Мета”-д үүссэн доголдол Х-ын трэнд сэдэв болов

Гуравдугаар сарын 5 (Ройтерс) – Мета компанийн Facebook болон Instagram техникийн асуудлаас болж хоёр цаг гаруй тасалдсаны дараа дахин сэргэлээ.

АНУ-д өглөөний 10:00 цагт доголдол үүсч эхэлсэн бөгөөд хэрэглэгчид болон өрсөлдөгчдийн зүгээс хоёр цагийн хугацаанд олон янзын мэдээлэл цацагдаж эхэлсэн байна.

Цагаан ордны Үндэсний аюулгүй байдлын зөвлөлийн хэвлэлийн төлөөлөгчөөс одоогоор ямар нэгэн хорлонтой кибер үйл ажиллагааны талаар мэдээлэл алга хэмээн мэдэгдэв.

Тасалдлыг хянах Downdetector.com вэб сайтад мэдээлснээр, энэхүү саатлын талаар Facebook-т 550000 гаруй, Instagram-д 92000 орчим мэдэгдэл ирсэн аж.

"Мета" хэвлэлийн төлөөлөгч Энди Стоун X-ийн жиргээнд "Техникийн асуудлаас болж манай зарим үйлчилгээнд хандахад бэрхшээлтэй болсон. Бид энэ асуудлыг шийдвэрлэсэн..." гэж бичсэн ч дэлгэрэнгүй мэдээлэл өгөөгүй байна.

Тус компанийн хувьцаа нь 1.2 хувиар унаж эхэлсэн бөгөөд хэрэглэгчдийн зүгээс Meta техникийн асуудлын талаар мэдээлэл авах хүсэлтэд тэр даруй хариу өгөөгүй хэмээн гомдолложээ.

Мета компанийн хэд хэдэн ажилчин Blind мессежийн аппликейшн дээр өөрсдийн дотоод системдээ нэвтэрч чадахгүй байснаас тэднийг ажлаас халагдсан эсэхэд эргэлзэхэд хүрсэн гэдгээ ч нэрээ нууцлан илэрхийлсэн гэнэ.

Энэхүү тасалдал нь Твиттер байсан X-ийн трэнд болсон сэдвийн нэг болж, Х платформын эзэн Илон Маск Мета руу "Хэрэв та энэ нийтлэлийг уншиж байгаа бол манай серверүүд ажиллаж байгаа учраас тэр" хэмээн бичсэн байна.

Маск 2022 оны аравдугаар сард сошиал медиа платформыг 44 тэрбум ам.доллараар худалдаж авсны дараа X хэд хэдэн удаа үйлчилгээ тасалдсан. 2023 оны арванхоёрдугаар сард тасалдсан нь АНУ-аас Франц хүртэлх улс орнуудын 77000 гаруй хэрэглэгчид асуудал үүсгэсэн юм.